Bovesse
Bovesse, c' est èn ancyin ptit ban del Walonreye, rebané avou des ôtes viyaedjes do cotoû po fé l' novele comene des Brouwires, e l' province di Nameur.
Mwaisss dnêyes[candjî | candjî l’ côde wiki]
- Limero del posse: 5081 (vî limero 5850)
- Limero diyalectolodjike: Na 46
- Arondixhmint: Nameur
Djeyografeye[candjî | candjî l’ côde wiki]
Avou si stindeye di 409 ectåres, Bovesse est l' pus ptit viyaedje des Brouwires.
E 1840, i gn aveut 325 dimorants. E prumî d' djanvî 2005, i gn aveut 886 dimorants.
Durant les vôtaedjes do 13 di djun 2005 (Pårlumint Uropeyin et Consey Redjonå Walon), n aveut 654 djins d' inscrîtes sol lisse des vôtants. Li nonbre di vôtant a rhåssî di 21 djins rapoirt as eleccions ledjislatives do 18 di may 2003.
Istwere[candjî | candjî l’ côde wiki]
Li sourdant do no vénreut del fôme romane di Bovesch (bén ki, disk' asteure, on n' åye pont trové d' traece materiele di l' ocupåcion rominne).
A 14e sieke, Jacquemin di Bovesch tént on fî consecant e ban do Feix : i s' adjit del signeurreye del Vå (Mohimont et l' distilreye).
Cisse signeurreye la passe e 1450 ås d' Oultremon k' el wådront disk' e 1725.
Li pårteye feyodåle passe å Conte di Hoen divant di esse rivindowe e 1743 å Conte di Balåsse.
E 1759, ele passe å Conte Cornet d' Elzius k' î egzercéve li pouvwer di hôte, moyene et basse djustice.
Tant k' a l' signeurreye foncire, cisse-ciale est vindowe e 1757 a Nicolas Passquet po l' pårteye cinsrece; po l' pårteye feyodåle, li tchestea et ses dpindances estît vindous a Renir Marchand di Mierdo.
E 1780, li tchestea et les dpindances tchairè a Renier Marchand, li fi do ci di dvant (tchenonne di Cînè)
Demografeye[candjî | candjî l’ côde wiki]
Gn aveut des djins d' Bovesse po-z ebaguer eviè l' Wisconsene sol difén do 19inme sieke.
