Cawete -åve (diyalectolodjeye)
Pådje sol cawete -åve dins les accints do walon
Li spårdaedje del cawete "-åve" avå les accints do walon shût li cene di des mots come tåve, råve, sitåve, fåve.
Li stramaedje est bén mostré sol mape ALW 1.93 (tåve).
E Coûtchant walon, li disfondowe cawete -aule est pår ene moite cawete. On nel ritrouve ki dins on seul addjectif : banaule. Minme dins les corons d' mot, on n' a pus ki estaule avou l' vraiye cawete -åve. Li mot "tâbe" a ddja stî rfrancijhî.
El Basse-Årdene, gn a ene cénkinne di mots k' ont wårdé l' viye cawete -aule :
Li mot "ovråve" a stî walonijhî, mins tot pierdant l' bodje : les vrâles djoûs.
Les ôtes mots avou l' minme coron sont-st erîlés : taule, tâle, s(u)taule, s(u)tâle, raule, râle.
E walon do Mitan, li cawete -åve a dmoré ene miete vicante, poy k' on-z î trouve, e 20inme sieke, des mots come veyåve ki n' divèt nén esse vî vîs.
E Payis d' Lidje, i shonne k' i gn ava on clintcha po rwalonijhî l' cawete -åve. Insi, on trouve onk a costé d' l' ôte les mots avou l' vraiyecawete walone et les cis avou li rfrancijheye cawete vindåve, vindåbe.