Cawete di codjowaedje -er (diyalectolodjeye)

Èn årtike di Wikipedia.
(Redjiblé di Cawete -er)
Sauter à la navigation Sauter à la recherche

Pådje sol cawete di l' infinitif -er dins les accints do walon

Li pus lådje oyowe, c' est l' cawete -er (prononcêye ).

L' infinitif pout esse avou -è (tchantè) dins l' payis d' Dinant, sol Fåmene, so Sint-Houbert et dins l' tchestrolet.

Dins l' payis del Viye Såm, li cawete di codjowaedje est -î (tchantî).

Li stramaedje est bén mostré sol mape ALW 2.76 (atchter). Li stindêye del cawete -è a stî roylêye esprès sol mape ALW 4.25.

Cawete do pårticipe erirece omrin[candjî | candjî l' côde wiki]

Li cawete do pårticipe erirece omrin shût sovint li cene di l' infinitif.

  • Po les payis avou l' cawete -er a l'infinitif, c' est -é (ki c' est eto li rfondowe).
  • Po les payis avou l' cawete -è a l'infinitif, c' est -è.
  • Po li ptite coine avou l' cawete -î a l'infinitif, c' est -î.

Portant, dins les deus tîces nonnreces do Coûtchant walon, les infinitifs sont-st avou -er, et les pårticipes erireces avou -è. C' est li roylêye estindêye sol mape ALW 2.76. Did la, li scrijhaedje des infinitifs avou li drole di scrijha -ér (metans dins li Motî do Coûtchant walon).

Dins l' minme tuzêye, sacwants scrijheus d' Fåmene et do Bork sicrijhèt leus infinitifs avou -èr.