Claude Mercier

Èn årtike di Wikipedia.

Claude Mercier, c' est on tchanteu d' rok walon, skepyî e 1939.

I tchantéve purade e francès ey e-n inglès.

Mins, e 2012, i vuda ene plake e walon, so des cåzaedjes da Jean Goffart, "Toudis èchène", ki c' est puvite do rok-blouze.

Biyografeye[candjî | candjî l’ côde wiki]

I cminça tot djonne, a 18 ans, dizo no d' sinne di "Audy Kans".

Pu askepyî èn orkesse, "The Black Stars".

Mins vitmint candjî d' no, po divni "Buddy Brent and his Thrillers".

E 1963, il eredjistere on 45 toûs, avou "The Thrill" a l' adroet et "You break my heart" a l' evier. Ci plake la si va vinde dins ene shijhinne di payis, a 1.400.000 (on miyon cwate cints meyes) egzimplaires.

Buddy Brent a rôbalé tocosté : e l' France, e l' Swisse, e l' Itåleye, e l' Almagne, e Canada, e Lussimbork, e l' Holande, e l' Suwede, e l' Norvedje.

Il a minme passé a l’ Olimpia d' Paris, come vudete amerikinne des Rolling Stones a Musicorama. Il a stî e tournêye avou les Everly Brothers et Bobby Solo. Ou eco avou Jerry Lee Lewis e-n Almagne.

Dins les anêyes 2000, Jacques Mercier djowéve dizo l' alomåcion "Buddy Brent and the Rocking Blues Band".

E 2011, Buddy Brent rescontra Jean Goffart. Et toirtchî ene sitroete plake eshonne dizo l' tite "Toudis èchène".[1]

Sourdants[candjî l’ côde wiki]

  1. Li Rantoele 63, waeyén-tins 2012