Codjowaedje copiner

Li codjowaedje di copiner, c' est come li ci d' bouter, mins avou on candjmint d' voyale å singulî di l' indicatif prezintrece, do suddjonctif prezintrece et do cmandeu (cloyowès sillabes å coron). A ces tins la, li bodje divént copen-

dji copene, i copene, ele copene.
ti copenes.

Gn a nou candjmint d' voyale dins les cloyowès sillabes divintrinnes :

dji copinrè (prononcî "copin'rè")
dji copinreu (prononcî "copin'reû")

Les viebes ki shuvnut ci codjowaedje la, c' est å pus sovint des viebes bastis avou l' cawete -iner. Mins gn a eto des viebes ki l' shuvion -iner est dins l' bodje lu-minme (diner, rwiner,). Les noûs viebes intrés e walon e 20inme sieke shuvnut eto ci codjowaedje la (machiner, patiner, mådjiner, rafiner, boubiner)

Gn a eto ene trokete di viebes ki n' ont nén -iner e coron, mins -irer, -imer, -iler.

Sacwants viebes di cisse sôre la

Viebes avou -iner.

"Vîs" viebes.
- ansiner.
- balziner.
- copiner.
- difiner.
- disterminer.
- epufkiner.
- gruziner.
- moziner, mozliner.
- ploviner.
- riciner.
- schiner.
- xhiner.
Noûs viebes (moussîs e lingaedje walon e 19inme et purade 20inme sieke).
- boubiner.
- brandviner.
- machiner.
- mådjiner
- patiner.
- rafiner.
- rwiner.
- siner.
- wekiner.

Ôtes corons

Sacwants viebes avou -i- + Cossoune + cawete -er ont stî on moumint rindjîs dins les codjowaedjes "copiner". Pu rimetous avou on codjowaedje normå. ^{(a-z aveuri)}

viebes avou -irer :
- schirer, coschirer, dischirer,
- tirer, atirer, ratirer
viebe avou -imer
- catrucimer.
- astimer.
viebe avou -iler.
- filer (aler rade), disfiler (passer onk après l' ôte).

Dobès rfondowes.

E sacwants viebes, li cawete -iner si pout spotchî, et divni -ner: raezner / raeziner, rouziner / rouzner.

Dins les accints do walon

E Payis d' Lidje, les viebes come "copiner" si cdujhèt come e rfondou, mins on-z a eto pacô on candjmint d' voyale åvou l' bodje B (futurrece et condicioneu :

hiner; dji hène, dji hèn'rè.

Dins les codjowaedjes da Stasse, li modele , c' est hiner (p. 42). Gn a 40 viebes di cisse sôre la (so åk come 2200, dj' ô bén 3 åcint). Bråmint di ces viebes si polèt eto codjower avou ene moyeye cawete (-êye)

dji gruzinêye.

E Payis d' Nameur, ey el Basse-Årdene ey e Coûtchant walon, les viebes come "copiner" ni candjèt nén d' voyale.

copiner : dji copine, dji copinrè.

Portant, dins les sustantifs, gn a cobén on candjmint d' voyale (eg: dji copine, mins one copène), copurade so Nameur et Tchålerwè (loukîz al mape ALW 1.35.).

Hårdêyes difoûtrinnes