Codjowaedje mete

Li codjowaedje di "mete", c' est ene sôre di codjowaedje des viebes del cénkinme troke.

Mwaissès piceures

I n' difere do codjowaedje di "ratinde" k' å prezint di l' indicatif, la k' on-z ôt li dierinne cossoune do bodje.

dji mete

ti metes

i mete

On shût insi li rîle des sorwalondes, tot prindant l' accint do Levant, ki codjowe, e scrijha Feller :

dji (dju) met΄

ti (tu) met΄

i met΄

Viebes ki shuvnut "mete"

• mete, rimete, dismete, permete, promete, amete, admete, asmete, ripromete
• bate, ribate, abate, rabate, kibate, forbate, disbate, contrubate
• fote, rifote
• paxhe, ripaxhe

Codjowaedjes coinreces

Foû do payis d' Lidje, li dierinne cossoune ni s' ôt nén. Ça fwait k' on-z a des scrijhas ene miete come e francès (dji bat, ti bats, i bat).

Li grope est limeroté l° 33 dins l' live des codjowaedjes da Gilliard (modele = "bate"). A pårt les viebes dedja cités cial e rfondou, gn a eto "parete" (parexhe) et "sinte" (sinti) et leus parints.

C' est eto onk des gropes des codjowaedjes da Tombeur (avou les minmès viebes di dins l' Gilliard)

Il est limeroté come l° 135 dins l' Motî d' Bastogne.

E payis d' Lidje, li tåvlea d' codjowaedje si pout rwaitî dins les "Codjowaedjes da Stasse", et dizo l' l° 78 del rawete do motî do minme oteur.</ref>

Hårdêyes difoûtrinnes

• Viebes di cisse sôre la dedja studyî e Wiccionaire