Croes-Scaye
Li Croes-Scaye, c' e-st on platea do grand bwès d' l' Årdene, a bijhe di l' aiwe di Smwès et å levant d' l' aiwe di Mouze.
C' est l' copete do costé sûd di l' Årdene, 504 metes hôt. Elle est metowe djusse al forire inte li Walon'reye (province di Nameur, comune di Djedene) et l' France (dipårtumint des Årdenes).
Istwere
[candjî | candjî l’ côde wiki]Tins del guere di 40, li grand bwès del Croes-Scaye, adlé l' hamtea do Vî Molin d' Tîlai, a stî on makis des Årdenes. Dins l' clérisse do hamtea, les aloyîs parachutént des åres et, a pårti did la, des passeus cdujhént des djins k' les nazis volént apicî (des prijhnîs k' avént peté å diåle, des Djwifs, des pilotes ki leu-z aviyon aveut stî abatou) po lzî fé passer l' forire et lzî permete di s' houwer evoye.
Ene tour di bwès sipotêye "Tour do Milenaire" a stî basteye an 2001. Al copete di 234 montêyes, on voet tot åtoû les Årdenes del Walonreye et del France. Li tour di bwès a dvou esse dimantcheye l' an 2008, pask' elle esteut ddja ene miete viermolowe, po-z esse rifwaite avou do metå l' an 2012.