Tchitchoûle ås stroetès foyes
(Redjiblé di Eriophorum angustifolium)
Li tchitchoûle ås stroetès foyes, c’ est ene dobe tchitchoûle avou des ptitès stroetès foyes al copete do bodje.
Ele fwait on waezon dins les fagnes et les frexhès waides ås troufes.[1]
Elle est sovint assez basse, 10 a 20 cm hôte [2] , mins ele pout crexhe disk’ a 80 cm.
Ele vént purade so l’ Årdene, dins les prés. Mins on nd è trovéve eto dins les trîs d’ Salzene, di Djiblou, di Måtche-les-Dames.[3] Li ptite sôre si trouve eto sol Pitite Louwate (fagnes del Croes Schaye).
No e sincieus latén : Eriophorum angustifolium
Sourdants et pî-notes
[candjî | candjî l’ côde wiki]- ↑ Racsegne dinêye pa L. Lurquin, Copoutiene, Welin.
- ↑ On l’ lome pacô "varyisté minus".
- ↑ E. Paque, Flore analytique et descriptive des provinces de Namur et de Luxembourg, Wesmael-Charlier, Nameur, 1902, p. 40.
