Evoye, Abråm (powinmes)
Èvôye, Abrâm. Sortir du patriarcat avec le premier patriarche ?
Evoye, Abråm (Èvôye, Abrâm. Sortir du patriarcat avec le premier patriarche ?), c' est on rcoy di powezeyes sicrît pa Joseph Dewez.
Il a vudî e 2023 dins l' coleccion « Di Walonreye » di Tétras Lyre.
Les powinmes e walon d' Liernu sont-st eplaidîs avou on redjårbaedje e francès.
Contnou[candjî | candjî l’ côde wiki]
Li live conte l' istwere di Abråm, divant k' i fouxhe li påtriyåtche del Bibe.
C' est tos passaedjes del Djineze, comintêye tot-z atôtchant afrontêymint.
C' est on live ene miete feminisse.
Corwaitaedje[candjî | candjî l’ côde wiki]
Tinme[candjî | candjî l’ côde wiki]
Sapinse Baptiste Frankinet, ci live la, c' est on maxhaedje di roman a môde di letes, di powezeye et d' assaye. Por lu, c' est on live k' est foirt di nosse tins.[1] Nén seulmint po l' disfinse del plaece des comeres dins l' societé. Mins eto paski, so l' cou-coviete, l' eplaideu rimimbere ene vraiye, kécfeye nén cnoxhowe assez : Abråm, c' est l' pere des creyants monoteyisses, djwifs, crustins et muzulmans.
Corwaitaedje do walon[candjî | candjî l’ côde wiki]
Lucyin Mahin djudje li walon al leccion. Aprume les ratourneures po dire des sintimints u des eteradjixhmint inte persounaedjes.
L' ortografeye, a soûmint Feller-Léonard, shût on coirpusse erî-rfwait so l’ accint d' Liernu. Portant, li scrijheu n’ a måy cåzé walon estant ptit. Ni minme oyou ses parints l’ djåzer. Nén ddja ene miere djin l’ atôtchî e walon. Mins, dit-st i lu, « dji l’ a dins l’ oraye, la k’ il a moussî cwand dji rexheu dins l’ grande coû del cinse, et-z ôre les vårlets et les vijhéns el divizer inte di zels » (p. 11).[2]
Po rtrover ci accint la, Djôzef Dewez a lî sacwants ôtes sicrijheu did la (come Jules Sabaux). Il a stî trover ene djin k' aveut fwait des rcwerances so l' walon d' avår la. Pacô, il ala-st acertiner li cogne di sacwants mots, tot splitchant les ALW, avou l' aidance da Bernard Louis.
Prezintaedje eplaidrece[candjî | candjî l’ côde wiki]
Çou ki schôpeye li pus li corwaiteu del Rantoele-gazete, c’ est l’ repetaedje do tecse francès del Djineze sol pådje di droete. Çou ki fwait èn ocupaedje di papî po rén. Adon k' gn aveut on clapant ratournaedje e walon siné Lorint Hendschel.[3] Houte di çoula, l' ouve Hendschel est metowe dizo libe licince.[4] Dj' ô bén k' elle åreut minme polou esse riscrîte avou l' accint d' Liernu.
Hårdêye difoûtrinne[candjî | candjî l’ côde wiki]
- (fr) Corwaitaedje do live sol waibe « Le Carnet et les Instants » (ene waibe del Federåcion Walonreye-Brussele)
Sourdants[candjî | candjî l’ côde wiki]
- ↑ Baptiste Frankinet, dins Walones, lº 2023/2, avri-may-djun 2023, pp. 30-31.
- ↑ Li Rantoele lº 107, waeyén-tins 2023, p. 14.
- ↑ Li Rantoele, come cial ådzeu.
- ↑ lijhåve cial so les fis.