Joseph Dewez

Joseph Dewez

Skepiaedje	27 di måss 1950, Liernu
Nåcionålité	Bedje
Activités	scrijheu

WIKIDATA

Joseph Dewez (e walon, Djôzef Dewé) a skepyî a Liernu li 27 di måss 1950. C' est on scrijheu e walon

Il aveut målåjhey di cåzer e walon dvant les djins å cmince, mins a-st aprins belmint avou l' sicole di walon d' Nameur.

Il est Relî namurwès. Et ndè divni prezidint après Lucyin Somme.

Ouve e walon

I scrît foû k' des powinmes, la k' i note l' accint d' Liernu. C' est del powezeye imådjrece, a môde del sicole namurwesse da Jean Guillaume et Georges Smal. Si prumire ramexhnêye a vudî e 1993, dzo l' tite Do vint dins lès croles. Il est ossu relî dins l' Antolodjeye Scrire et fourit li prumî powete walon a-z esse publiyî so les fis del Måjhone del powezeye di Nameur.

E 2017, i scrît ene libe powezeye sol rîtåve di Belvå, Li Maîsse di Waha nos conte li rètâbe di Bèlvau.

E 2023, si deujhinme live, Evoye, Abråm, a rexhou dins l' coleccion « Di Walonreye » di Tétras Lyre. Li minme anêye, li veye di Tcheslet lyi a dné l' prumî Pris Émile Lempereur, po Dji n' pou sofler.

• 
  Joseph Dewez al Fôre do live di Brussele, e 2025, avou s' live Dji n' sé sofler
• 
  On boket d' powezeye da Joseph Dewez, å corti des powetes a Nameur

Ouve pol walon

E 2019, i fwait ene conferince so l' avni do walon lingaedje, k' a stî filmêye pal tchinne Matélé.

Hårdêyes difoûtrinnes

• Powinmes da sinnes sol waibe del Måjhone del powezeye di Nameur
• On boket d' si tecse « Au Novèl an » lî pa Joëlle Spierkel (sol tchinne YouTube del SLLW)
• (fr) Ès pådje « Objectif Plumes »
• (fr) Si conferince so l' avni do walon lingaedje
• A ene ronde tåve e walon (sol Tévé walon-cåzante)
• Li Wiccionaire si rsieve di sacwantès fråzes da Joseph Dewez po-z enimådjî des mots k' i gn a.