Fåve do Mitan d' Cok

Èn årtike di Wikipedia.

Li fåve do Mitan d’ Cok, c’ est ene fåve do vî vî tins ki raconte li spoûle d’ on tolu, k’ on lome Mitan d’ Cok, et k’ on n’ sait ddja si c’ est ene djin u ene biesse.

Il eva ene sadju, et, sol voye, i rescontere troes cpagnons, deus biesses li vexhåd (pacô c' est on rnåd), et l' leu ; li troejhinme soçons ene Aiwe. Les troes lyi dmandnut d' aler avou lu et i vout bén. I les poite dins s' coir, et il î mousnut pa s' cou.

Modêye di Bure.[candjî | candjî l’ côde wiki]

Li fåve do Mitan d' Cok, modêye di Bure. Dins l' modêye di Bure, on n' comprind nén pocwè ki l' tchesturlin k' a pryî Mitan d' Cok lyi vout fé do toirt li prumire nute et les nutes d' après.

Modêye di Nivele[candjî | candjî l’ côde wiki]

Mitan d' Cok aveut ene cinse a Yeripont. Et l' trecinsî ni lyi vleut nén payî ses louwaedjes ça fwait k' i ndè va po toutchî ses liårds.

I rescontere on rnåd, pu on leu, pu ene aiwe. I les mete e s' potche , por zels l' aidî a raveur ses cwårs.

Cwand il arive mon l' trecinsî li rnåd lyi magne ses poyes, li leu ses boûs et l' aiwe lyi neye si cinse.

Al fén, Mitan d' cok rescontere on ptit tchén a deus liårds avou ene cawe et on cou d' veule. I saye di monter dso, mins gn a l' cawe ki si speye.

Et il a prin ene foye di papî
Et il a rvinou a pî
Tot seu
come on gueus

Sourdant : Georges Wiyame divins Wallonia I, 1893, 11-13