Faculté di Ratournaedje eyet d' Interpretåcion - Eternåcionåle Sicole d' Interpreteus (UMons)

Cabene d' interpretåcion dins l' bastimint di l' EII.

Ene ôte cabene ey ene såle, ewou çk' on dene des luçons eto.

On costé do bastimint di l' EII avou les logos di l' univiersité eyet del faculté (d' hintche a droeteà.

Li Faculté di Ratournaedje eyet d' Interpretåcion - Eternåcionåle Sicole d' Interpreteus ([FR] Faculté de Traduction et d' Interprétation - École Internationale d' Interprètes), obén li FTI-EII, u core bén d' ès sobriket : EII (Fonetike : [øi]), c' est ene faculté di l' UMont.

Istwere

Ci Faculté di Ratournaedje eyet d' Interpretåcion ci aveut stî askepyî e 1962. Disk' e 2009, èç faculté ci esteut rwaitêye come ene sicole (nén come ene faculté d' univiersité). Èç ancyinne escole la, c' est podbon rwaitêye come ene faculté dispoy l' askepiance di l' UMont.

Edroet

Principås bastimints

Èç faculté la est sol campus del Plinne di Nimî. Onk des principås bastimints d' èç faculté cial est lomé EII eto. El direccion si trove rola. I gn a èn ôte bastimint ki sinne a li FTI-EII : li Bastimint 5 (B5). Mins nerén, li De Vinci, c' est onk des deus bastimints k' ont stî drovous al fén del dijhnêye 2010. C' est dins ci-la, k' on ritrove deus evoyaedjes k' apårtegnnut ossu a l' EII. Pus speciålmint, les troejhinme eyet cwatrinme evoyaedjes.

Ôtes bastimints

Totfeye, bråmint des luçons sont acsegnîs dins des ôtes bastimints do campus.

• Bastimint 4 (B4 ; pårti avou li Faculté des Syinces).
• Les Grands Anfiteyåtes (Seulmint les djenerås luçons î sont acsegnî).
• Vésale (Sacwants luçons sont acseignî roci, come les djenerås luçons obén des luçons d' lingaedjes avou des grandès classes).

Acseignmint

I gn a k' onk bachelier (sapinse ås francès-cåzants), c' est l' ci k' aponteye les studiants åzès masters di ratournaedje ubén d' interpretåcion. Tot rwaitant les masters, i nd a cénk :

• Master e-n interpretåcion
• Master e ratournaedje eterdominne
• Master e ratournaedje etertuzançrece
• Master e ratournaedje po l' acseignmint
• Master e ratournaedje po les ricweraedjes

Linwistike tchuzes

Vir sourdant :

Dispoy li BAB1

Li BAB1 est li prûmire anêye do [FR] bachelier. Pitite rimarke : el francès (natif lingaedje) est acsegnî oblidjeymint e BAB1 ey e BAB2 :

• Almand
• Arabe
• Chinwès
• Daenwès
• Espagnol
• Inglès
• Itålyin
• Neyerlandès
• Rûsse

Dispoy li BAB3

E troejhinme anêye do [FR] bachelier, on troejhinme lingaedje ricandje el francès :

• Les lingaedjes del lisse padzeu
• Djaponès
• Norvedjin
• Polonès
• Portuguès
• Suwedwès

Normåldimint, i gn a troes liveas po les troejhinmes lingaedjes. Tenawete, sacwants lingaedjes n' ont k' deus liveas. Ces liveas la rotnut avou l' sistinme uropeyin (dj' ô bén : li sistinme ki comince avou li "A1" disk' å "C2") :

• 1î livea : A2 (livea soûmintrece)
• 2inme livea : B1-B2 (livea avanci)
• 3inme livea : B2-C1 (livea avanci ubén al mitan do livea d' on natif cåzeu)