Fagne (ecolodjeye)

Èn årtike di Wikipedia.
Sauter à la navigation Sauter à la recherche
Disambig.svg Pol discramiaedje des årtikes avou l' mot « Fagne et fagne », loukîz cial.

Ene fagne, c’ est ene plaece avou des broûs totavå, k' on n' î såreut passer. Årvier d’ ene maraexhe, ene fagne est metowe so ene hôteur.

Les troufreyes sont des biyonaxhes sovint metowes come abané naturel (rezieve naturele) ou, do moens, dins ene contrêye wårdêye naturele (park naturel).

Li mot si rtrouve, avou si omrinne cogne (fa, fwè) dins totès sôres di nos d’ plaeces del Walonreye.

Role ecolodjike des fagnes[candjî | candjî l’ côde wiki]

Ecolodjicmint, les fagnes si cdujhèt come ene grande sipondje ki ractind l’ aiwe di plouve, et nel leyî cori ki tot doûçmint eviè les cor antès aiwes k’ endè sourdèt. Insi, les moléns k’ estént so des ris vinant des fagnes avént d’ l’ aiwe pus lontins, minme les anêyes di setcheur.

Istwere[candjî | candjî l’ côde wiki]

do vî tins[candjî | candjî l’ côde wiki]

Divinltins, les fagnes siervént :

fén do 19e et les prumîs troes cwårts do 20e sieke[candjî | candjî l’ côde wiki]

A pårti do 19e sieke, on ls a bråmint rplanté avou des sapéns ordinaires (epiceyas). Po çoula, on dva saiwer (drinner) les teres. E bråmint des plaeces, i n’ vinént nén bén, mins spoujhî l’ tere, et l’ espaitchî d’ esse ene rezieve d’ aiwe. Cwand i ploveut foirt, on-z a yeu puvite des grossès aiwes (Han-so-Lesse, 1995-1996). Les sapéns, mierseus d’ plante fwaiynut disparexhe totes les plantes (tchitchoûles) et les biesses tipikes (coks di brouwire, damjheles, cwarpeces d’ aiwe, viperes, coloûtes, totes sôres di påwions a pårt).

Rassonraedje des fagnes al môde naturele[candjî | candjî l’ côde wiki]

A cmincî di 1970, on n’ a pupont rplanté d’ sapéns, et minme sayî di rawè les fagnes come elle estént davance. Li pordjet Natura 2000 eyet des ôtes pus ptitès organizåcions (« Vicante Aiwe di Lome », Life-Lomme) ont sayî d’ rassonrer sacwantès fagnes. Po çoula, i lzî a falou :

  • ristoper les saiwires
  • rifé des astantches avou d’ l’ årzeye (cawolin)
  • cåvler des novelès basses d’ aiwe
  • abate les sapéns
  • abate sacwants åbes et bouxhons k’ evayixhnut voltî l’ fagne (beyôles, sås...) pu, après çoula, î mete des grossès biesses (grandès-coines d’ Escôsse) ås tchamps.
  • les tchamps d’ four ki sont sol boird del fagne ni sont fåtchîs k’ après k’ les fenaesses åyexhe påté (fwait des sminçons).

Tourisse[candjî | candjî l’ côde wiki]

Le troufreyes sont des coetès plaeces po les tourisses s' aler pormoenner divins l' nateure. Mins les pormoennådes divnut esse controlêyes, si possibe. Plamor ki :

  • les pormoenneus polèt haper des plantes ki sont waeranteyes (cokeacok, …)
  • les pormoenneus si polèt piede (grandès troufreyes come el Fagne.
  • les pormoenneus polnut efagnî s' i cwitèt les pazeas, ou les clåyes di bwès metowes po passaedje dizeu les fagneusès plaeces.

Hårdêye divintrinne[candjî | candjî l’ côde wiki]

troufreye