Foto da Djåke Bietrand saetcheye pa Prosper Bévierre
Li foto da Djåke Bietrand saetcheye pa Prosper Bévierre, c' est ene rilomêye foto, da Djåke Bietrand (Jacques Bertrand) saetcheye pa Prosper Bévierre diviè 1867.[1]
Discrijhaedje[candjî | candjî l’ côde wiki]
Djåke Bietrand a stî prins ashît a tåve, so ene tcheyire, les djambes schåyeyes. Ene foye di papî ratind k' on screye li cåzaedje d' ene tchanson å croyon-noer.
Li scrijheu est ki tuze, les ouys a ståre, askeuté so s' hintche bresse, li pougn so s' tchife.
Il est moussî d' ene tchimijhe d' ovrî, et d' on noret d' cô, loyî låtchmint. So s' tiesse, n a-st ene calote al coûte pene.
Rilomêye[candjî | candjî l’ côde wiki]
Li foto fourit lontins håynêye å botike da Prosper Bévierre, rowe del montagne a Tchålerwè.[2]
On ndè saetcha on dessén å croyon ki li scrijheu sina di s' mwin.
Adonpwis, e 1924, on fjha ene plake di rsovnance scultêye d' après l' rilomêye foto. Ele fourit havtêye sol måjhon la Jacques Bertrand a skepyî, al rowe Guståve Nålene a Tchålerwè. Cisse plake la a bagué po s' ritrover asteure sol Plaece do Bourdon.[3]
Sourdants[candjî l’ côde wiki]
- ↑ Date nén aveureye, avirance a 5 ans près sorlon l' ådje probåbe do scrijheu.
- ↑ Jules Lemoine Horace Piérard, avec une étude sur Jacques Bertrand et Albert Thibaut, Tchålerwè, 1912, 3inme edicion.
- ↑ Esplikêyes so foto del plake eplaideye so les Cmons d' Wikipedia.