Jacques Bertrand

Èn årtike di Wikipedia.
Sauter à la navigation Sauter à la recherche

Jacques Bertrand (e walon classike, on prononçreut : Djåke Bietrand), c' esteut on scrijheu d' tchansons k' a skepyî li 18 di nôvimbe 1817 ey a morou li 30 di djulete 1884.

I tchantéve voltî li payis d' Tchålerwè. Åresse, c' est l' prumî k' a-st eplaidî des scrijhaedjes e walon dins cisse coine la del Walonreye.

I dmeure conoxhou long et lådje pa ene tchanson e francès "Pays de Charleroi" k' a divnou li "tchanson nåcionåle" carolo. Mins il a scrît purade e walon. Inte di des ôtès tchansons : Lolote.

Di s' mestî, il esteut patron d' ene fabrike di tcheyires.

Il est rprins dins l' grosse Antolodjeye da Piron.

Rilomêye[candjî | candjî l' côde wiki]

Jacques Bertrand fourit raddimint rwaitî come l' ero nåcionå do Payis d' Tchålerwè. E 1924, on havta ene plake di rsovnance sol måjhon la k' il a skepyî, al rowe Guståve Nålene a Tchålerwè.

Dispu 1984, li befrwè d' Tchålerwè soune totes les eures "Pays de Charleroi"; å cwårt après l' eure; c'est "Racoulotans nos" ; al dimeye eure : "Sintoz come èm cour bate", eyet å cwårt po l' eure: "El cwénzinne å Mambor".

plake di rsovnance rowe Guståve Nålene a Tchålerwè

I fourit fotografyî pa Prosper Bévierre diviè 1867. Ci portrait la divint foirt rilomé. On ndè fjha ene plake havtêye so s' måjhon d' nexhance e 1924.

Si veye est ses tchansons ont stî studieyes pa Jules Lemoine, adonpwis pa Jules Vandereuse.

Des tchanteus come Bob Dechamps tchantént voltî les tchansons d' Jacques Bertrand.

Les tinmes då Djåke Bietrand[candjî | candjî l' côde wiki]

C' est bråmint des tchansons ki racontèt les djoyes des ptitès djins k' on a rtnou di l' ouve da Jacques Bertrand.

Portant, aveut oyou eto tchanter les ouves da Beranger, et si a-t i scrît des tchansons la k' i critike li guere, et vanter li liberté, li påye eyet l' ovraedje. Mins ces tchansons la ont stî metowes sol costé.

Sacwantès rlomêyès tchanson da Djåke Bietrand[candjî | candjî l' côde wiki]

Biyografeyes[candjî | candjî l' côde wiki]

Hårdêyes difoûtrinnes[candjî | candjî l' côde wiki]