Fråze di noyaedje

Èn årtike di Wikipedia.
Potchî a: naiviaedje, cweri

Ene fråze di noyaedje (on-z a dit eto niyeye fråze, fråze nonniatrece): , c' est ene fråze ki noye li djhêye basteye avou l' sudjet, li viebe et les complemints.

Ele si fwait pal voye d' èn adviebe di noyaedje.

Les fråzes di noyaedjes les pus corantes e walon sont :

  1. I n' a nén minti.
  2. Dji n' a pus stî a Djiblou dispu bele ådje.
  3. Gn a pont d' ome come lu; neni, gn a pont.
  4. Dji n' a pupont d' cwårs; neni, dji nd a pupont.

Dins les fråzes 3 eyet 4, gn a todi ene idêye di cwantité. Mins asteme, les adviebes "pont" eyet "pupont" sont tipikes di Nameur et del Basse Årdene, + ene grande pårteye do Coûtchant walon (tote li Mîtrinne Walonreye). Å Levant et so les aschates walon-picård les fråzes 3 & 4 divegnnut :

3. Gn a nén d' ome come lu (u : gn a nol ome come lu) 4. Dji n' a pus d' cwårs; neni, dj' end a pus.

Ça fwait k' i gn a pont d' flotche d' eployî "pus" estô d' "pupont", mins l' contråve n' est nén vraiy.

Po des linwincieusès racsegnes sol mot "noyaedje", alez s' vey e splitchant motî.

Hårdêyes difoûtrinnes[candjî]