Francès d' Brussele

tåvlea avou des mots corants d' brusselwès

ene potale a Brussele, ki mostere kel no walon a moussî e francès d' Brussele

dessén et sinaedje des djouweus del pîce «Le mariage de Melle Beulemans»

Li francès d' Brussele u brusselwès u brusler u co francès Beulemans, c' est l' francès d' Beldjike come il esteut djåzé a Brussele, et k' i l' est co dins sacwants fiesses foclorikes.

Les piceures do francès d' Brussele vegnnut bråmint do flamind d' Brussele, u do marolyin (moirt lingaedje avou do picård, do flamind et do francès).

Mins gn a eto des mots k' ont vnou do walon.

Lanawaire, il a eto calké sacwants mots d' l' arabe, pår di l' arabe marokin.

Motlî

Mots do francès d' Brussele k' ont passé e francès d' Walonreye

Li francès d' Walonreye eploye sacwants mots vinous do francès d' Brussele.

• c'est un peu scherp (on pô rikerak, on pô tot djusse)
• faire quelque chose en stoemeling (e doûce, avou des féns solés, toursiveuzmint, sins k' on l' voeye)
• ziverer (drole d' apôte)
• zinneke (tchén baståd)

Mots do francès d' Brussele k' ont passé e walon

Li walon d' Beldjike a rprind kéconks di ces mots la mots vinous, dispu 1850, do francès d' Brussele. On n' les rtove nén, metans, dins l' walon del Walonreye di France.

• drache
• kot, k' a dné l' walon "cotche"
• platezak
• rastacwer
• scherp a dné l' walon "a l' ascrepe"
• crole
• dringuele
• stoumuligne (ehåyî calcaedje)

Mots do francès d' Brussele ki provnèt do walon

• potale
• oufti
• èn poleur må, rindou e francès: i n' peut mal.

Ôtes mots

• pey (aduzoe, minme uzaedje ki "valet").
• fieu (aduzoe, minme uzaedje ki "fi").
• Salut en de kost (po dire arvey), on racourtixhaedje del ratourneure flaminde "Salut en de kost" (sohaitaedje ås marins k' end alént el mer, d' ariver a bon poirt, et d' aveur bon vint). Pout aveur li deujhinme sinse di «disca ! et dji spere ki dji n' vos rvoerè pus».

Mots calkés do cåzaedje des Arabes di Bussele

• la moukêre (li feme, di l' espagnol mujer, foirt eployî pås Marokins do Rif, k' end a bråmint a Brussele)
• kleb, klebard (di l' arabe kelb, tchén)
• zamal di l' arabe marokin (tapete, omo)

Adjinçaedje des mots et del fråze

• askepiaedje d' ene cåkêye di mots avou l' cawete flaminde -eke

Manneken Pis (maniket)

ma zoeteke (mi "ptite doûce", mi ptite binamêye)

• Uzaedje a tot côp bon dins l' fråze di une fois (ene feye, on côp), calké do flamind eens.

Belès letes e francès d' Brussele

«Le mariage de Melle Beulemans», pîce di teyåte.

Hårdêye difoûtrinne

• 
  • Francès Beulemans: Ciddé, vos ploz schoûter èn eredjistrumint del fåve do vî vî tins «Li bijhe et l' solea» e «francès Beulemans», adiercî pol Djåzant atlasse éndjolike des lingaedjes di France et d' avår la.
  • po vey li diferince, vocial li minme contaedje e «Brussels vloms»: vocial li minme contaedje e «Brussels vloms.