Guy Brener
Guy Brener a skepyî a Moustî li 17 d' avri 1934. Il a morou li 28 di setimbe 2010 a Nameur.
C' esteut on scrijheu e walon.
Cårire come sicrijheu e walon[candjî | candjî l’ côde wiki]
Il aveut cnoxhou, estant djonne, li fjheuse d' arimés Gabrielle Bernard, et il a sovint atôtchî Emile Gilliard, deus ôtes rilomés scrijheus e walon ki provnèt d' Moustî. Mins il a purade sitî scolé ås Relîs Namurwès, divant d' divni lu-minme on scoleus al sicole di walon d' Nameur.
Il a scrît des noveles et del powezeye dins les Cayés Walons. I fourit onk des prumîs a djåzé des novelès tecnolodjeyes dins ses spoûles ("Pus vî, pus biesse", 1998). Il a yeu l' Pris del Marlagne e 1998 avou ene paskeye lomêye "Ene drole di veye".
Il a eto scrît ene pîce di teyåte "Adofe rote todi". Il est eto redjixheu et essinneu del dramatike "Les soçons d' Loyî".
E 2008, il eplaide si prumî live e walon : "Foû del voye".
Li stîle da Guy Brener est foirt peur, avou on ritche motlî. Pol linwe-ehåyaedje, l' ome est ene miete puriveus, et-z vleur espaitchî kel walon poye calker eto des noûmots d' l' inglès (come copiutrece). Il s' a eto rclamé disconte do rfondaedje.
Il scrît ossu e francès (des noveles et des xhinaedjes d' Arthur Masson). C' est eto on pondeu ki dessine des coleurs a l' aiwe et des acrilikes.