Gama-coûte (binde d' imådjes2)

Pol discramiaedje des årtikes avou l' mot « Gama-coûte », loukîz cial.

Coviete

Gama-coûte 2 ou Gama-coûte: li tecnike, c' est ene binde d' imådjes dessinêye pa José Schoovaerts so des sincieusès dnêyes esplikêyes pa l' ekipe di Nicolas Massager eyet Cécile Renier a ene conferince a l' Atoniom.

Elle a moussî foû e 2017.

ISBN 978-2-8052-0332-9

Mwaissès dnêyes

C' est Djozé Schoovaerts k' a ossu fwait l' tecse des bouyotes, ki fourit ratourné e rfondou walon pa Lucyin Mahin.

Li BI a parexhou e bokets dins l' Rantoele-gazete e 2017.

On motlî walon-francès, adjinçné på ratourneu, rileve des noûmots, sacwants nén co documintés ôte pårt. Ossu, il est rprins sol limero [R19] dins l' djivêye des motîs do walon.

Sudjet

Li radiocérudjeye å Gama-coûte (Coutea gama), c’ est on médiaedje radjouté a, ou ki replaece li niericérudjeye classike. On s’ è sieve dins sacwants magnants mås u des ôtes maladeyes do cervea. Sovint, les malådes savnut wai d’ tchoi so ciste operåcion la, ey adon, esse dins les transes. Cisse binde d’ imådjes cial, c’ est on deujhinme documint po les pacyins et leus djins – et les djins d’ leus djins – awè cnoxhance des ca et des ma del tecnike.

Gn aveut ddja yeu, e 2013, ene prumire B.I. sol minme sudjet, ki l’ tite, c’ esteut tot bounmint « Gama-coûte ». I s’ adjixheut di l’ esperyince d’ on malåde ki s’ fijheut médyî di ç’ façon la.

Cisse B.I. ci esplike kimint çki l’ éndjolreye rote.

Disrôlmint di l' ovraedje

Desséns et mwaisse tecse

José Schoovaerts, a pårti di notes prinjhes al lomêye conferince, a toirtchî l' tecse e francès. Et l' fé acertiner pa les sincieus d' Erasse. Et, come di djusse, dessiner les plantches.

Ratournaedje e walon

Li ratournaedje e walon a stî fwait pa Lucyin Mahin e moes d' decimbe 2016.

Sitrimaedje

Pitite vuwe des djins vinous å Noû Lovén po l' rexhaedje

Li live a stî strimé å Muzêye Tintin e Noû Lovén li 27 di djanvî 2017, pa l' oteur et tote l' ekipe univiersitaire. Gn aveut eto des waloneus come Lorint Hendschel, Michel Francard, Jacques Desmet, Jean Cayron, Jany Paquay, José-Louis Thomsin, René-Jean Michel (ki tchante sakants arandjemints da Djozewal) et Pierre Otjacques.

Ene binde d' imådjes a stî rdessinêye pa José Schoovaerts po rmimbrer l' etrevén. Li tecse (ene modêye e walon ey ene e francès) shût li tipetape del tchanson da Charles Aznavour, Elle va mourir, la mamma.

Motlî

djusse les sinses et l' cogne croejhetrece siervous droci

abaiti (s' ---) : se rendre compte

acertiner : s'assurer

acî : acier

aconter : tenir compte de

acsure : atteindre

adierça : cible

adierceu : responsable du résultat

adiercî : toucher, atteindre précisément; --- s' côp : réussir

ådjeu : possibilité

adonpwis : alors

adroet (a l' --- di) : en face de

ådvins : intérieur

agåjhner : bombarder (de fines particules)

agayon : engin

ahåyî : convenir

ahesse : appareil; ---s : matériel

aisse : foyer

aistrijhî : focaliser

alugnî : ciblé

amidraedje : amélioration

amidrer : améliorer

an : 5 ans ey ene rawete; 5 ans et des : 5 ans et quelque

antibiyotike : antibiotique

apicî : capter

apinse : idée

apoticåre : apoticaire (carcul d' ---) : calcul fastidieux

ashire (s' ---) : s'asseoir

aspiter (el tiesse) : germer (dans la tête)

asprover : essayer, tester

assulon (a l' --- di) : selon, suivant

astchaire : s' il astchait : le cas échéant

astocant : de fixation, de soutien

ataker : commencer, débuter

atôme : atome

atomike : atomique, nucléaire

Atoniom : Atomium

atuze : concept

atuzler : concevoir

avance (gn a pont d’ ---) : il est inutile

avént (avni) : arriver

avinde : atteindre

avirer : estimer

avni : parvenir, arriver

aweur : chance, bonheur

axhlåve : portable

B.I. : B.D.

balzins (tronner des ---) : être atteint de tremblements incoërcitifs, de la maladie de Parkinson

båshele : jeune fille

batijhî : baptiser

bedire : lit, couche

bedreye : lit, couche

berwete (fé ---) : être aléatoire

biesse : simple

binamé, binamêye : cher, chère; heureux, -se; bienfaisant(e)

binavnant(e) : charmant(e)

binde d’ imådjes : bande dessinée

bindlaedje : blindage

biyaire (di ---) : en oblique

biyård (sol ---) : en salle d' op

blanc-moussî : membre du personnel médical; blanc-moussîs : équipe médicale

blankixhant prodût : produit de contraste

boird : bord

boket : morceau

bresse : bras

buze : conduit, tube

buzete : tuyau

ca (les --- et les ma) : tous les aspects

cåde : cadre

caracolaedje : hélice

carculaedje : calcul, opération mathématique

carculeu : mathématicien

carwaitî : examiner minutieusement

cawe : côper les ---s di ceréjhes e cwate : couper les cheveux en quatre

cayet : chose; vola l' --- : en conclusion

ceke : cercle

celure (rifondou «celule» e 2019) : cellule

ceréjhe : v. cawe

cérudjeye : chirurgie

cint : centaine; sacwants ---s kilos : plusieurs centaine de kilos

cintinme : centième

cizete : ciseaux (chirurgical)

cmere / comere : femme

cmince / kimince : commencement, début.

cobal : cobalt

cobén : souvent

cogne : forme

coine : région, coin (v. sorcoine)

coir : corps

competer : être de la compétence de, concerner

conteu Geiger : compteur Geiger

côpa : coupe

côpaedje-evoye : exérèse, -tomie, -ectomie

copurade : surtout

cordinêye : coordonnée

costeures (so totes les ---) : sous toutes les coutures

cotche : réduit, cabine

coube : courbe

coujhnêye : barbecue

Coutea gama : Gamma-knife (radiochirurgie aux rayons gamma)

covtoe : couverture

crexhince : excroissance; måle --- : malformation

cwårtî d' ceke : secteur (d'irradiation)

cweri (aler ---) : aller chercher

damadje : lésion

damadjî (adj.) : lésionnel

dandjî : besoin

dandjreus : probablement

demoné : énorme

dhåjhiner / dihåjhiner : ébranler

dhaler / dihaler : débarrasser

dihaernaxhî : enlever les sangles

dijhinme : dixième

dimander cwè (a) : consulter, s'adresser (à)

dimeye veye : demi-vie

dimincion : dimention

dire cwè et come : expliquer en détail

disbrôler : désorganiser

discatibulé : désorganisé

disferer : "déferrer", enlever le cadre rigide

dismantchûle : instable, excité

dispårti : réparti

dispierter : réveiller

distcherdjî : décharger

distreyî: distraire

distrujhant : invasif

distrure : détruire, tuer

diswalper : développer

diveur : devoir

divintrin : interne, intégré

diyamete : diamètre

dizashonnaedje : désintégration

dj’ ô bén : c'est-à-dire

djåzer : parler

djenetike : génétique

djermêye : génération

djin : 1) personne 2) dame

djin d’ mestî : professionnel(le)

djins (ses ---) : ses proches; les --- d' ses --- : sa famille et amis

djoker : arrêter

djondant : contre, à côté de, touchant à

djonde : toucher, atteindre

djondou, djondowe : atteint(e)

djusse (come di ---) : naturellement, évidemment

djustumint : précisément

dmander cwè et kesse : poser toutes les questions

dmani / dimani : demeurer, rester

dner / diner : donner

dnêye / dinêye : donnée

documint : document

doet : doigt

doirmi : dormir

dôzaedje : dosage

drovi : ouvrir

ecdugrafeye : angiographie

ecdût : vaisseau sanguin

eclawé, eclawêye : fixé(e) solidement

ecôder : encoder

edoirmeu : anesthésiste

edvincion : invention

efouwaedje : excitation (nucléaire)

efouwé (estat ---) : état d'excitation (nucléaire)

electron : électron

emantchî : créer, construire

éndjole : machine, système

éndjolreye : machinerie, installation

enonder : lancer, inventer, concevoir

eplaeçmint : position, situation, localisation

Erasse : Érasme

eriesse : arête

esbåtchî, esbåtcheye : ébauché(e)

esplincté / splincté : coincé

esprinde : allumer

essocter (s' ---) : s'assoupir, s'endormir

et hay vos nd åroz : et ainsi de suite

evoyaedje : émission

evoyeu : émetteur

evoyî : émettre

exhowe : énergie

fé soelant : "faire assoiffant", nécessiter une pause café

fé toubak : faire une pause-café

fel (on --- ovraedje) : (un travail) conséquent

fén (al --- des féns) : au final, en dernière analyse

fier : fer

fizik : fusil

flauwe : faible

flîme : bistouri

foice : force

foiravant : surtout

foirdjî : forger, créer

for å solo, for å solea : four solaire

forcrexhaedje : excroissance pathologique

fornea solrece : four solaire

fotografyî : photographier

foton : photon

franc boket : radical libre

frisse : frais, récent

fwait (awè tot --- les sculteus) : avoir fini de jouer aux sculpteurs

gådrêye : feu de joie, feu de camp

Gama-coûte : Gamma-knife (radiochirurgie aux rayons gamma)

gayole : cadre rigide

groxheur : grosseur

haerna : cadre fixe

haeyi : haïr

hapêye : long moment

hati : brûler

hatixhant : irradiant

hoplêye : grande série

houte : terminé

idrodjinne : hydrogène

imådjreye medicåle : imagerie médicale

infirmire : infirmière

insidon : ainsi donc

iyerem : IRM (imagerie par résonnance magnétique)

kesse : question; les --- et des messes : les multiples questions

kimoenner : conduire, diriger

lacobén : heureusement

lanawaire : récemment, naguère

lét : lit

lintile : lentille

lîtrê : couche, plancher

lomé : nommé, appelé

londjin : lent; --- neutron : neutron thermique (ralenti)

lugnî : viser

mådjiner : imaginer

magnant må : tumeur, cancer, néoplasme

måhaitî, måhaiteye : malsain(e), pathologique

måle : mauvais, anormal

måstitchî, måstitcheye : malformé

médiaedje : traitement

médyî : traiter, soigner médicalement

médyinne : cure, traitement

metou, metowe : donné

mezåjhe : besoin

miercopete : sommet

miercorin : centre exact

mierdoleur : algie

miersipepieuzmint : très précisément, exhaustivement, avec la plus grande perfection

mintni : maintenir

môde (a --- di) : par

molecure (rifondou «molecule» e 2019) : molécule

monte-et-dschinde : ascenseur

mostere-voye : GPS

moumint (sol ---) : instantané

moussî : pénétrer

muroe : miroir

mwaisse (adj.) : principal, crucial; magistral

mwints : maints, beaucoup de; nos esténs nos --- : nous étions nombreux

mzeure / muzeure : mesure

nawea : noyau

nerén (mins ---) : néanmoins

nier : nerf

niericérudjeye : neurochirurgie

no : nom

non-syince (a ---) : en dépit du bon sens

nouzome : énorme

nucrê  : tumeur, excroissance

nukerrece : tumoral

ocsidjinne : oxygène

ôre : ordre

ouxh : porte; a l' --- : dehors

ovrant : efficace, efficient

pacyin, pacyinne : patient(e)

pår : exactement; même

pattavå  : tout autour; --- l’ Daegne : du monde entier

pescane : PET-scan (v. pôziton)

piceure : charactéristique

pirete atomike : noyau atomique

plaeçaedje : placement, position, positionnement

plaece : endroit

platezak : sans ambage

plonk : plomb

poite : grande porte

pona (li --- et l’ cova) : tous les détails

ponces (sognî å pair des ---) : être aux petits soins

pondants (les --- et les djondants) : tous les détails

pont : point

pôreut vali ki : pourvu que

pout (i n' --- må) : il n'y a aucun risque

pouxhant : puissant

pôzicionmint : positionnement, localisation

pôziton (scanaedje ås ---s) : tomographie par émission de positons

pôzucion : position

pretchaedje : exposé

pretcheu(se) : orateur, -trice

programe : logiciel

pupe : plomb de tir de foire

pwel, poy (a on --- près) : avec la précision de l'épaisseur d'un cheveux

rabocter : réparer

racatuzer : paufiner

raclaper (si --- les doets) : se coincer les doigts

racsegne : renseignement, information

racsegnî : renseigner, informer

ractini : retenir

radio : radiographie

radiocérudjeye : radiochirurgie

radiofizicyin : radiophysicien

radiofizicyin(ne) : radiophysicien(ne)

radjonde : juxtaposer

raguider : observer

rai : rayon

raiwire : toilette

rampono : percolateur

rapåjhant : calmant

rapåmer : recouper

raplaker : recoller

rascovrou : recouvert

rashonner : rassembler

ratuzer (tuzer et ---) : longuement réfléchir

rayêye : faisceau de rayons, de radiations

rayi : brûler, irradier

rayixhaedje : irradiation

rayixhmint : rayonnement

rayixhoe : colimateur (litt. "rayonnoir")

rclôre / riclôre : refermer

rcovri / ricovri : couvrir, recouvrir

rcwerance / ricwerance : recherche

rdjiblaedje / ridjiblaedje : rebondissement

reclôs : enfermé

recloymint :claustration

relére : sélectionner, déterminer

rescouler : reculer

resdondixhaedje : résonnance

rexhe : sortir

reyacteur : réacteur

ricarculer : recontrôler

rischapé : sauvé

riskeus : dangereux, hasardeux

ritni : retenir, mémoriser

rmouwer / rimouwer : se déplacer, remuer, bouger

robotijhî : robotiser, automatiser

rotaedje : fonctionnement

rwangnî / riwangnî : regagner

saetchî : tirer

såle : salle

såvrité : sécurité

sayî : essayer, tenter

scanaedje : tomographie

scaner : scanner

scarwaitî : examiner minutieusement

schipe (a ---) : à peine

sculteu : sculpteur

sculteure : sculpture

SDN : ADN

serer (è --- cénk) : serrer la pince

seur dezocsiribonawearece : acide désoxyribonucléique

shofler des poes : ronfler

shonner : sembler

si + inversion verbe sujet : dès lors, alors, et; si dmandît i : à cette ocasion, ils demandèrent

sifwaitmint : pareillement, semblablement

sincieus : scientifique, savant

sinse : sens

sipeter djus / speter djus : détruire

Sistinme d’ Ehåyaedje del Médyinne (S.E.M.) : Treatment Programming System (T.P.S.)

sitoele / stoele : astérisque

skepyî : naître

sketer : casser

smané, smanêye : manchot, sans main

soeye-t i : soit

sognaedje : traitement

sognant : infirmier; sognants : personnel soignant

sognî ås ptits agnons : prodiguer des soins attentifs

sondjî : rêver

sorcoine (les coines et les ---s) : les coins et recoins

sourdant : source

sourdon : source

spepieus : précis

spepieuzmint : précisément

spitch : exposé

spiter; fé --- evoye : émettre

spiyî : casser, détruire

spliker / espliker : expliquer

splitchî : détailler

sploton : barreau (transversal)

stereyotacseye : stéréotaxie

stok (a ---) : fixé

stoumuligne (e ---) : incognito, en "stoemeling"

syince : science

taiss k’ oyi : en effet

talamusse : thalamus

tantea ki : tant et si bien que

tchå : chair, matériel vivant

tcheriaedje : déroulement, avancement

tcheryî : avancer

tchessi : cadre, support, chassis

tchinne : chaine

tchoezi (adj.) : choisi, sélectionné

tecnicyin, tecnicyinne : technicien(ne)

tecnike : technique

télécmandé : télécommandé

termetant : entretemps

tertos : tous

tévé : télé, télévision

texhou : tissu

tiesse : tête

tinre : sensible

tinzayeure (a ---) : régulièrement

tire-pupe : tir de foire

tournante montêye : escalier en colimaçon; dobès tournantès montêyes ecrameyes ene dins l’ ôte : double hélice imbriquée

traitmint : traitement

transes (esse dins les ---) : être stressé

trevéns : époque

tridjermale : trijumeau

uzeu : utilisateur

veur (po dire li ---) : au fait, en vérité

vey cwè : juger du cas

veyanmint ki : étant donné que

vistrer : visser

voenne : veine, vaisseau sanguin

volte : volt

voye (pal --- di) : par le biais de, via, au moyen de, grâce à

waerantixhant (tot ---) : en préservant, en protégeant

wai d’ tchoi : peu de chose

waitroûle : écran

walêye (del dierinne ---) : de la dernière pluie; ça n' date nén del dierinne --- : ça ne date pas d'hier

xhamea : support (de source atomique)