Glifozate

Glyphosate.svg

Tcherpinte dins l' espåce (palmitate)

Li glifozate (pus cnoxhou dizo l' no d' marke Roundupe, Roundup©), c' est on discrouwådant mo rlomé.

Il est veyou voltî des cinsîs et veyou evi des ecolodjisses.

Discoviete

Li prodût a stî prodût pal societé amerikinne Monsanto dispu 1974 (dizo m' marke di fabrike Roundup.

Dins les anêyes 2010, å cloyaedje di Monsanto, li licince et l' produjhaedje ont stî rprins pal måjhon almande Bayer.

Advantaedjes

I towe tos les crouwås, nén come les ôtes ki n’ dizindjnèt k’ ene pårteyes des målès yebes.

I va disk’ ås raecinêyes, insi espaitchant les crouwins di rdjeter.

I n’ dimeure nén dins tere (adon, nou risse di s’ ritrover dins les poujhåvès aiwes

Il est bonmartchî (30 uros a l’ ectåre).

Risses medicås et ecolodjikes

Metingue des ecolos a l' oujhene Bayer (2022)

Come i dmeure dins les plantes, i pôreut esse mwais pol santé des magneus.

Avou ça k’ i n’ est nén bon po les moxhes al låme.

Dins les lwès uropeyinnes

Li prodût est disfindou dispu les anêyes 2010 ^{(a-z aveuri)}. Mins gn a tofer des rpoirtaedje po l' aplicåcion del lwè. Ene des råjhons, c' est k' on n' pout nén rmonter li pris des ahivas des cinses e l' Urope et leyî intrer des fruts et verdeures di payis ki nd ont d' keure des restants d' prodûts tchimikes dins leus plantes.