Gotye

**Gotye**

Idintité
Veur no	Wouter De Backer
Nexhance	- 21 di may 1980 - Brudje (Flande)
Nåcionalité	Beldje Ostralyin

Gotye, d' ès vraiy no « Wouter De Backer », c' est on tchanteu, muzicyin ey on compôzeu d' muzike. Ci tchanteu ci est a mitan bedje ey a mitan ostralyin. Il a skepyî li 21 di may 1980, a Brudje.

Etimolodjeye

Gotye, c' est èn escrijhaedje fonetike spontané do ptit no francès-cåzant : Gauthier. Come di djusse, sapinse a lu, Gauthier si prononce dinsi e-n inglès.^[1] Houte di çoula, Wouter, c' est l' varyisté neyerlandès-cåzante di « Gotye ».^[2] Dins li vraiye veye, on li spote pacô « Wally ».^[3]

Biyografeye

Djonnesse

Minme s' il a nexhou a Brudje, il aveut baguî e-n Ostraleye, cwand il ît deus ans vî.^[4] Il a dmoré ene miete a Sydney, pus il a bagué do costé d' Melbourne.^[5]

Il a todî djouwé del muzike voltî, tot-z estant gamén. La k' il a-st aprindou a djouwer diferints instrumints.^[6] Inte di zels, on-z ertrouve li piyano ey el batreye.^[7]

Tins d' ès laidådje, i djouwéve dedja dins ene binde novice avou ses camaerådes d' escole. Ci binde la s' loméve : « Downstares ».^[8] C' est laddé k' il a cmincî s' cårire, e 2002.^[9]

Grand-ådje

Avou ses oridjenes flamindes eyet des bokets d' ès famile ki vicnut laddé, il etind bén l' neyerlandès. Tolminme k' il a deur po l' cåzer.^[10] Il l' aprind timpesse gråce a des binde d' imådjes ki lét voltî.^[11]

E 2012, ene tchinne di televuzion k' est active åzès Uyessês, CNN, aveut advierti flotchreçmint les djins ki Gotye vneut d' mori. Tenawete, ci n' esteut nén l' veur. Il ont stitchî k' i s' aveut distrût avou ene bale dins l' tiesse.^[12]

Cårire

Gotye, c' est ene sakî ki rexhe ses alboms di manire otonome. Dj' ô bén k' c' est lu-minme k' est s' label.^[13] Dispu 2002, il est mimbe d' ene binde ki s' loméve : « The Basics ».^[14] Ci-ci, c' est ene binde al rock avou troes muzikîs, inte di yeusses : Gotye.^[15]

Cåzumint ene dijhnêye après comincî s' cårire, il a wangnî troes pris des Grammys avou si tchanson : Somebody That I Used to Know.^[16] C' est gråce a ci tchanson la k' il a divnou peuprece pattavå sol Daegne, plamour ki dvant c' esteut aprume dins s' payis d' vicåreye k' il l' ît.^[1] El videyo del tchanson « Somebody That I Used to Know » a stî veyowe pus d' deus miyårds d' côps.^[17] Mins nerén, il a accepté d' payî 45% des liårds k' il a wangnî avou ci tchanson la, ca il aveut rprindou des notes d' on tchanteu braezilyin. Les cwårs ont stî åzès dischindants d' èç muzikî la.^[18] Padvant d' rexhe ci tite ci, il a, pindant on moumint, yeu deur a trové ene tchanteuse. Avou ça, k' après awè yeu do succès avou, les aschoûteus d' radio ont cmincî a nd awè leu sô avou ç' tite ci. Çoula lu a fwait ene miete må, ca il aveut les pinses d' anoyî les djins.^[19]

E 2024, i rexhe ene muzike après n' end awè vudî dispu onze ans.^[20] Come di djusse, il a fwait ene longue pôze dins l' monde del muzike. Do moens, come djouweu eyet tchanteu, pusk' i s' a metou so d' ôtes ovraedjes, come el ci d' askepyî on vraiy label. Tolminme k' il a porshuvou di djouwer ene miete di tins e tins.^[6]

Stîle

Si vwès rshonne foirt el ci da Sting u co d' Peter Gabriel.^[1] Cist ome ci s' a eto inspiré d' ôte grand tchanteu do monde tuzançrece inglès-cåzant : David Bowie u co Bob Dylan.^[14] Do costé des tchanteuses, Gotye aveut clatchî, e 2012, bén vleur ovrer avou Kate Bush. Come di djusse, c' est s'-n' idole.^[21] Tot rwaitant ès muzike, c' est puvite on maxhaedje d' indiye, di rok eyet d' muzike electronike. Tot rwaitant l' imådje, c' est ene sakî ki voet voltî d' askepyî des videyos ki mete e dvant-plan l' racontrece k' i gn a padrî.^[14]

Dins si tchanson li pus cnoxhowe, « Somebody That I Used to Know », Gotye dvize d' ene di ses ancyinnès comeres. Li tchanteu a vlou mostrer l' discabitulance k' i gn a après ene macsigrogne amoureuse.^[22] Po çoula, il a tchanté avou Kimbra, ene muzikeuse ki vént d' Novele-Zelande.^[9]

Discografeye

Alboms

2003 : Boardface
2006 : Like Drawing Blood
2007 : Mixed Blood
2011 : Making Mirrors

Rilomêyès tchansons

2006 : Learnalilgivinanlovin
2007 : Hearts a Mess
2010 : Eyes Wide Open
2011 : Somebody That I Used to Know
2011 : Easy Way Out

Rilomêye

Vindaedje

E 2021, Gotye s' a metou al setinme plaece dins li clasmint des tchanteus bedjes k' ont vindou li pus di tchansons. Il a, å moens, vindou 15,7 miyons d' muzikes.^[23]

Pris

Gotye a wangnî sacwants pris d' muzike. Li prumî, c' esteut e 2006, avou l' AIR Awards ki bistokéve les djins ki vnént des labels indepindants.^[24] Ciste anêye la, il a stî lomé po deus ôtes pris k' avént aveur avou on di ses alboms : Like Drawing Blood.^[25] Al copete do mårtchî, cist albom ci a fini 13inme å clasmint ostralyin, ciste anêye la. Avou ça k' il a bén rexhou el Neyerlande eto.^[8]

Tot rwaitant les pris k' il a wangnî, el Grammy k' il a wangnî po-z awè fwait « l' eredjistrumint di l' anêye », c' est Prince ki lu a dné.^[7] D' ayeur, cwand ci muzikî estazunyin la a morou, e 2016, Gotye a vlou lu rinde bon dvwer.^[26] Li dierin pris k' il a wangî disk' enute, c' est on Helpmann Awards po-z awè metou so pî « li meyeu concert ostralyin contimporin ».^[27] Il a wangî l' Grammy avou « Somebody That I Used to Know ». La k' elle a dmoré li pus lontins al prumire plaece do clasmint burtaenike.^[14] L' albom ki rwaite ci muzike ci a stî troes côps plake di platene e-n Ostraleye. Il a stî seulmint on côp plake di platene el Beldjike ey e Pologne. Il a ossu wagnî ene plake d' ôr e-n Almagne, e Canada ey å Rweyåme-Uni.^[8] Dins ces payis la, insi k' åzès Uyessês, i gn a totplin des fanes di lu.^[14]

Bon dvwer

Si pus grande tchanson, « Somebody That I Used to Know », a stî rprindowe pa ene ôte binde : Walk off the Earth. L' erprijhe s' a fwait e-n acoustike.^[28] Houte di çoula, ci tchanson la a eto stî rprindowe dins on fouyton estazunyin : Glee. Mins nerén, Gotye l' a-st aschoûté evi. Li tchanteu a clatchî k' i n' a nén veyou voltî l' erprijhe, cåze do stîle des djouweus do fouyton.^[29]

Hårdêye difoûtrinne

Li waibe oficire da Gotye.

Referinces eyet sourdants

[:0-1] 1,0 ^1,1 et ^1,2 https://www.7sur7.be/musique/gotye-la-nouvelle-sensation-belgo-australienne~a4b7f766/

[2] ttps://www.magicmaman.com/prenom/wouter,2006200,16335.asp

[3] ttps://www.stereogum.com/2151661/gotye-somebody-that-i-used-to-know-10th-anniversary-oral-history-kimbra/interviews/oral-history/

[4] ttps://focusonbelgium.be/nl/wist%20u%20dat/wist-u-dat-de-australische-zanger-gotye-brugge-werd-geboren

[5] ttps://www.npr.org/player/embed/150507105/155559450

[:2-6] 6,0 et ^6,1 https://www.bsoband.com/post/the-rise-and-fall-of-gotye-music-industries-one-hit-wonder

[:3-7] 7,0 et ^7,1 https://www.musicalille.fr/gotye-nouvelle-revelation-belgo-australienne-video/

[:4-8] 8,0 ^8,1 et ^8,2 https://musicstory.fandom.com/fr/wiki/Gotye

[:5-9] 9,0 et ^9,1 https://www.vrt.be/vrtnws/nl/2011/09/30/gotye_staat_3_keerinuitverkochteab-1-1122535/

[10] ttps://www.gva.be/cnt/aid1077764

[11] ttps://www.dailymotion.com/video/xxf7dn

[12] ttps://www.rtbf.be/article/non-cnn-gotye-ne-s-est-pas-tire-une-balle-dans-la-tete-7797991

[13] ttps://www.originmusicpublishing.com/wally-de-backer-gotye.html

[:1-14] 14,0 ^14,1 ^14,2 ^14,3 et ^14,4 https://facts.net/celebrity/25-intriguing-facts-about-gotye/

[15] ttps://genius.com/artists/The-basics

[16] ttps://www.grammy.com/artists/gotye/2402

[17] ttps://www.parismatch.be/actualites/sport/2023/07/17/un-tube-et-puis-sen-va-gotye-et-ses-2-milliards-de-vues-youtube-quelquun-quon-a-tres-bien-connu-CHJSJTKW6VGOROWWIYKHZG3TBA/

[18] ttps://www.rtbf.be/article/le-chanteur-belge-gotye-un-copieur-qui-assume-7997575

[19] ttps://www.hln.be/showbizz/hoe-monsterhit-somebody-that-i-used-to-know-het-leven-van-de-belgische-gotye-verpestte~a6db5aaf/

[20] ttps://www.forbes.com/sites/hughmcintyre/2024/02/26/gotyes-somebody-that-i-used-to-know-is-a-hit-all-over-again/?sh=519d0c9516dd

[21] ttps://www.nme.com/news/music/gotye-11-1272732

[22] ttps://storyofsong.com/story/somebody-that-i-used-to-know/

[23] ttps://www.hln.be/muziek/week-van-de-belgische-muziek-dit-zijn-onze-10-best-verkopende-artiesten-aller-tijden-en-van-sommigen-heb-je-wellicht-nog-nooit-gehoord~a2ebd182/

[24] ttps://web.archive.org/web/20160310102536/https://www.air.org.au/awards/history

[25] ttps://music.fandom.com/wiki/Like_Drawing_Blood

[26] ttps://www.europe2.fr/musique/prince-gotye-reprend-sometimes-it-snows-in-april-a-cappella-lhommage-dechirant-39116.html

[27] ttps://www.broadwayworld.com/article/Final-Winners-Announced-For-2018-Helpmann-Awards-Act-II-20180716

[28] ttps://www.tendanceouest.com/actualite-33125-gotye-somebody-that-i-used-to-know-l-incroyable-reprise-de-walk-off-the-earth

[29] ttps://www.ozap.com/actu/gotye-n-a-pas-aime-la-reprise-de-son-hit-somebody-that-i-used-to-know-dans-glee/440545

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]