Rock

Li rock c' est on djinre di muzike k' a skepyî dins les anêyes 1960 et k' est asteure onk des pus djouwé et schoûté tot avå.

Istwere

Li rock a skepyî ås Estats Unis dins les anêyes 1960. I vént d' ôtes djinres come li jazz, li blues et li country. Al kimince, on l' loméve rock n' roll. Dispu ci tins la, li rock a bråmint candjî. On end a fwait des noveas djinres et totes sôres di muzikes.

Djinres

Li rockabilly est li rock dal cmince, al mode di Presley et ds ôtes viyès bindes. Asteure, gn a co sacwantès bindes k' endè fwaiynut.

Li yéyé est onk des pus vî pus vî djinres. On l' schoûtéve bråmint dins les anêyes 60. C' est ci djinre la k' a avnou è Urope, et k' fé cnoxhe li rock ås djins di Waloneye. Mins asteure, li yéyé est veyou come on vî djinres, nén foirt clapant.

Li rock sikedelike nos vént eto des anêyes 1960, mins on endè schoûte mwins asteure ki dins l' tins. Ci djinre la vout fé do rock avou des sons k' on pôreut etinde cwand on sondje ou bén cwand on a prind des droukes. Il esteut metou avou li manire di viker des baba cool et li flower power.

Li punk a skepyî al cmince des anêyes 1970. Il a stî tuzé disconte les bindes yéyés et, pus lådje, disconte li mouvmint hippie. Li punk vout purade diner di l' enerdjeye ki des belès muzikes ou des beas arimés.

Li hard rock a avnou ene miete pus tård. On pout dire ki c' est l' fî do punk. Dins li hard rock, li muzike est pus foite et va pus rade. Ci djinre la a skepyî dins les anêyes 1970, minme si gn aveut dedja sacwantès tchansons ene miete hard rock al difén des anêyes 1960. /!\ Li "hard rock" est diferin do metal ey do grunge /!\

Li prog (po progressive rock) a skepyî dins les anêyes 1970 eto. Li binde li pus cnoxhowe di ci djinre la, c' est Genesis. On endè fwait co asteure.

E Waloneye

E Walonreye, gn a sacwantès bindes et des tchanteus ki djouwèt do rock, e walon, e francès ou co e-n inglès.

Compost Binde
Girls in Hawaii
It It Anita
Machiavel (binde bedje ki djouwe do prog)
Malibu Stacy
Wiyam Dunker (minme s' i djowe pus sovint do blues)