Guerando
Guerando (fr. Guérando, arabe marokin Gerrando), c' est on viyaedje des Douccala metou sol voye di Sidi Bennour a Marakech, k' esteut l' dierin pont avou des sôdårs portuguès do trevén k' i colnijhént Azemmour.[1]
Gn è dmeure ene rwene d' on grand cazer k' aveut stî basti so on croupet, po-z awaitî li passêye del voye ki vneut droet d' Marakech eviè Azemmour.
Etimolodjeye[candjî | candjî l’ côde wiki]
Sourdant etimolodjike probåbe[candjî | candjî l’ côde wiki]
Vénreut do portuguès "grando" (grand), po lomer li grand cazer k' i gn aveut la basti.[2]
Fåve etimolodjike[candjî | candjî l’ côde wiki]
Les Marokins avént apicî on Portuguès, Ando, et lyi fé dire li scret des bômes k' i gn a dins tere dizo l' cazer. Et l' margougnî po k' i deye cwè : guerr, Ando (rinåde (çou ki t' sais), Ando).[3]
Rwenes do cazer[candjî | candjî l’ côde wiki]
Gn a cåzu pus ene pire di stampêye, mins on voet co bén les cwårêyès limodjes del plaece. Dins tere, so troes liveas, gn a des bômes ki fwaiynut on vraiy labrin. Dins les anêyes 1970, gn a ene djin ki s' î a volou aler pormoenner, et î dmorer 10 djoûs, et mori do côp après k' il esta rtrové pås djins do viyaedje.[4]