Henri Forir
_cropped.png)
| Skepiaedje | 20 di nôvimbe 1784, Hèsta |
|---|---|
| Moirt | 11 d' avri 1862, Lidje |
| Activités | scrijheu |
Henri Forir a skepyî li 20[1] u l' 21 di nôvimbe[2] 1784 ey a morou li 11 d' avri 1862.
Ci fourit on scrijheu e walon eyet diccionairî.
Il esteut djeyomete di s' mestî.
Ouve e walon et sol walon
[candjî | candjî l’ côde wiki]I ramexhna des mots walons dispu 1820, mins si mwaisse ouve, li Dictionnaire liégeois-français n' a parexhou k' après s' moirt, e deus gros lives, e 1866 et 1874. Il î rprind des mots et des fråzes di tos les tchamps del vicåreye, et nén fok li "lingaedje des ptitès djins".
Come sicrijheu, i fourit rlomé long et lådje avou ene paskeye sol mariaedje, a môde di dvinltins, “Li ctapé manaedje” k' a moussî foû e 1836.
I scrijha eto del prôze nén racontrece, “So les bassès scoles do vî tins”, eplaideye dins onk des prumîs bulténs del Société Liégeoise de Littérature Wallonne.
Prezidint del minme S.L.L.W. e 1856, i leya ouve, pask' on n' esteut nén d' acoird avou si sistinme d' ôrtografeye, lon erî del cene do francès.
Pî-notes
[candjî | candjî l’ côde wiki]- ↑ Come i l' dit lu-minme divins s' tecse : Notul so lè bazè skol dè vî tin, 1862, Forir nos dit k' il a skepyî li 20 di nôvimbe 1784 : « C’è la [a Cronmoûse] ki, li vintt di novinb mèie sett cin è ûtante kwatt, li Bondiew s’a-t-avizé di m’ tapé so l’tair… »
- ↑ Biyografeye da Forir, divins l' Diccionaire des Walons.
Difoûtrinnes hårdêyes
[candjî | candjî l’ côde wiki]- Ene pådje di ses scrijhaedjes (so l' Aberteke)
Li Wiccionaire si rsieve di sacwantès fråzes da Henri Forir po-z enimådjî des mots k' i gn a.
Vos trouvroz des racsegnes so les ouves da Henri Forir, u les ouves zeles-minmes, so Wikisourd e walon.- Vos trouvroz des racsegnes so les ouves da Henri Forir, u les ouves zeles-minmes, so Wikisourd e francès.
