Henri Tournelle

Èn årtike di Wikipedia.
Aller à la navigation Aller à la recherche
Henri Tournelle
I gn a co pont d' imådje dizo licince libe so les Cmons. Si vos nd avoz ene po nozôtes, eberwetez-l' vaici, et merci co traze côps.
Skepiaedje1î di djulete 1893, Cargnon
Moirt1959
NåcionålitéBedje
Activitésscrijheu d' teyåte

Henri Tournelle, c' est l' no d' pene da Jules Henri Lefèvre[1], on scrijheu e picård borén di Cargnon.

Il a skepyî li 1î d' djulete 1893 ey a morou e 1959.

I scrijha de pîces di teyåte, des arimés et des tchansons.

Il a stî rprins dins li ptite antolodjeye SLLW del guere di 14.

Il a eto scrît e francès.

Di s' mestî, il esteut eployî ås tchmins d' fier.

Vicåreye[candjî | candjî l’ côde wiki]

I cmince a scrire e 1912, pa des tchansons k' i tchante a on "cåbaret borén" k' i mete so pî.

I va bénrade passer å teyäte, avou ene kitoirdowe modêye di Faust (1913).

Après l' guere di 14-18, i va scrire sacwants pîces di teyåte.

Ouve e picård[candjî | candjî l’ côde wiki]

Teyåte[candjî | candjî l’ côde wiki]

  • Mariaedje di guere, comedeye e troes akes (1918)
  • L' arsouye, arimêye tradjedeye e troes akes (1919)
  • Canada, comedeye d' èn ake (1919)
  • Pagne a pårt, comedeye di troes akes (1929)
  • El testamint d' Fene-taeye, comedeye di troes akes (1929)
  • Å dintisse, comedeye d' èn ake (1930)
  • Liciegne fwait s'-n intrêye; comedeye d' èn ake (1932)
  • El divoice e muzike; comedeye di troes akes (1935)
  • El pitit Bebert; comedeye d' èn ake (1935)
  • Cirile fwait do cinema; comedeye di troes akes (1937)
  • Noices d' ôr e shabots; comedeye di troes akes (1938)
  • Les sorets d' Amanda, comedeye d' èn ake (1945)

Des pîces come "Mariaedje di guere" ont stî djouwêyes dipus d' 400 côps, Canada, dipus d' 300 feyes, L' arsouye, dipus d' 200 côps.[2]

Arimés et tchansons[candjî | candjî l’ côde wiki]

Ritournelles, ene ramexhnêye di tchansons e walon, et des ôtès ouves e francès (Djimape, sins date, diviè 1931).

Boket da sinne[candjî | candjî l’ côde wiki]

Tchanson do djambot
Resploe
Kéne afwaire
Dispu k' c' est l' guere !
On n' vind pus d' boubounes nole pårt:
Pus d' wåfretes,
Pus d' suretes;
On n' sait pus cwè fé d' ses liårds.
Pus d' paletes,
Pus d' tåvletes,
Pus d' fondant ni d' tchocolåt,
Pus d' amandes,
Pus d' picantes,
Pus d' souke di oidje et pus d' nougats.
I.
Divant l' guere, li dimegne,
Dj' aveu ene dringuele a m' pa.
Dj' acatéve des pacyinces,
Des bablutes, do nougat.
Asteure, on n' vind pus rén;
'I gn a po braire, cwand on î pinse.
Les botikes sont rwinés.
I gn a pus rén d' bon a croxhî.
II.
Divant, po ene çanse et dmeye,
Dj' aveu troes macarons,
Shijh podchupe, deus oubliye
Eyet deus cous d' bourdon.
Des nicnaks, c' ît m' grand gosse;
Po ene mastoke, on nd aveut ene pougneye;
Asteure, po troes gros sôs,
Si on nd a shijh, c' est tot l' dibout.

Sourdant[candjî | candjî l’ côde wiki]

  1. k' a eto scrît dizo l' såvadje no di J. Lefer.
  2. Motî biyobibiografike des scrijheus e walon p. 242 (Lefèvre Henri).