Imi n Ifri

Imi n Ifri (e techelheyt ⵉⵎⵉ ⵏ ⵉⴼⵔⵉ, imi n ifri, ^{aschoûtez lu} u ^{aschoûtez lu}), c' est on no d' plaece dilé Demnate, sol pîmont do Mîtrin Grand Atlasse, foirt curieus djeyolodjicmint.

Etimolodjeye[candjî | candjî l’ côde wiki]

Li mot amazir vout dire li boke, li gueuye (ⵉⵎⵉ, imi) do (ⵏ, n) trô d' rotche (ⵉⴼⵔⵉ, ifri).

Avey[candjî | candjî l’ côde wiki]

Li pont naturel fwait på cåvlaedje del castinne pa l' aiwe di Mhacer. L' adjinçnaedje djeyolodjike do cotoû est foirt rilomé, avou des tchandeyes di rotche. Divant çoula, gn aveut dandjreus ene basse avou ene astantche naturele, ki s' a trawé på dismanchaedje del castinne pa l' seure aiwe di plouve (avou do H2Co3) come e Trô d' Han.

Li pont est metou a ene hôteur ådzeu del mer di 1480 metes, et l' aiwe ki court padzo a 1400 metes.

Les tourisses polnut dischinde d' on costé, et rmonter d' l' ôte.

Floriconte d' Imi n Ifri[candjî | candjî l’ côde wiki]

Gn aveut ladrî on magneu d' efants k' i lyi faleut dner po s' marmindje des båsheles di Demnate. Mins i trova s' mwaisse on bea djoû. On bon tolu, pus foirt ki lu, li vna touwer. Cwand i lyi drova s' vinte, i gnè rexha des viers ki wayimît et divni des coirbås ås rodjès pates k' on voet co pol djoû d' ouy totavå les waibes d' avår la.^[1]