Iyreye des Cayimans

Mer et nateure

L' Iyreye des Cayimans (u: l' Iyreye ås cayimans, ou co pus coranmint: les Iyes Cayiman), c' est ene iyreye des Carayibes.

Mwaisse veye: Djôrveye u Djôrtône (Georgetown)

Istwere

L' iyreye fourit discoviete pa Cristofe Colombe li 10 di may 1503 (c' esteut tins di s' dierin voyaedje ås Amerikes).

Lomêyes aprume Iyes ås tortuwes, adonpwis des cayimans, sorlon les biesses ki s' î trovént (les tortuwes des prumirès anêyes avént cåzu disparexhou après côp).

Politike

El rinne d' Inglutere ki drouve l' ashyinne do pårlumint

C' est èn estat do Comenwel. Adon, c' est li rwè (u l' royinne) d' Inglutere k' end est l' sovrin, sol papî, todi.

Economeye

ene banke a Djôrveye

Gn a bråmint d' bankes foû-rivadje, k' ont siervou sovint å blankixhmint des cwårs.

Dispu èn acoird di 1986 avou les Estats Unis, et copurade après les atakes di Noû York et Wachintone di 2001, les siervices sicrets amerikins î vnèt controler sacwants viziteus k' î vont dins les bankes.

Avou ça ki l' Iyreye a ene miete rastrindou si scret bancrece, si n' esse pus loukeye come on paradis finançrece dispu les anêyes 2000.