Que-vlo-ve? (novele)

"Que-vlo-ve?", c' est ene novele ki Guillaume Apollinaire ki s' passe dins l' payis di Ståvleu.

Ele fourit-st eplaideye e 1910 dins ene ramexhnêye di noveles, L'Hérésiarque et Cie a l' editeu "Stock".

Li mwaisse persounaedje, k' a dné s' no å roman, poite li såvadje no "Kë-vloz-vs", paski i dmande tofer ås djins ki l' arinnèt "kë vloz vs?" (ki vloz vs ? Cwè vloz ? , cwè çki vos vloz ?). C' est on rôlî, ki dvreut vni do payis d' Waime (si Apolinaire note bén on son ë cwand i scrît "Que", et nén on son u come a Ståvleu minme, mins k' åreut dné on scrijha "Quu" nén foirt ahessant e francès.)

Les ôtes personaedjes ont-st eto des nos e walon :

• Tchantchesse : li cåbartire
• Li båbô : ene ôte pratike do cåbaret, ki s' va bate a moirt avou "Kivlov".

Li tite del novele a siervou a lomer ene rivuwe ki studeye les scrijhaedjes d' Apollinaire.

Mots walons eployîs el novele

Ortografeye

Apollinaire si rashid, come di djusse, so l' accint des djins k' il a-st oyou djåzer. Il a yeu eto dzo les ouys les gazetes e walon ki rexhént di ces trevéns la, et k' arivént seur a Ståvleu : Li ptit Lidjwès, Li Clabot, Li Spritche. Dabôrd, il eploye ene ortografeye di dvant l' sistinme Feller. Les sons dj et tch sont rindous pa J et CH, metans : La Chanchesse, c' est la "Tchantchesse".

Motlî

Loukîz cial

• li bai valet : li bea (bê) valet
• péket : peket
• Guyame : Wiyåme
• La Chancesse : Li Tchantchesse
• krompires : crompires
• Hinri : Hinri
• bâbo : båbô
• aller a schlôf : aler a chlof
• Bonjou tertous : bondjoû tertos
• Nom di Dio : nodidjo
• Oyez : oyoz; Oyez-ve? : Oyoz vs?

• labrin
• topet
• gruziner
• ene sacwè
• ågne
• aler a chlof
• crapåde
• oyoz vs ?
• tertos
• poujhon

Hårdêyes difoûtrinnes

• Tecse del novele
• Bate di dvize so les passaedjes e walon di "Que-vlo-ve ?"
• Årtchives del rivuwe "Que Vlo ve"