Léopold Godenne

Èn årtike di Wikipedia.
Aller à la navigation Aller à la recherche

Yopôl Godenne (oficirmint Jacques-François-Léopold Godenne[1]), c' esteut èn imprimeu d' Nameur, k' a vnou å monde li 4 di setimbe 1851 et k' a morou li 18 di may 1909.

Il askepia ene gazete e walon, Li Mårmite.

Ouve pol walon[candjî | candjî l’ côde wiki]

Gn a waire di scrijheus e walon k' ont scrît ostant k' Yopôl Godenne, aprume des couyonådes, et des ôtes rireyes, k' i loméve voltî "Istweres di totes les sôres". Les fåves da Godenne ont stî rprinjhes par après dins totes sôres di gazetes e walon, sins citer l' no d' leu prumî scrijheu.

C' est Godenne k' a apontyî li sistinme ortografike del Mårmite, ki va esse shuvou pa tos les scrijheus namurwès, divant l' arivêye do Sistinme Feller.

Nerén, l' ovraedje da Yopôl Godenne n' a nén stî ricnoxhou, dandjreus a cåze des margayes k' ont avnou inte les scrijheus "do peupe", come les cis del mårmite, et "cotuzeus" del Societé d' Langue. Ces-cial bouxhént tofer sol clå po sayî do rmonter l' livea des belès-letes e walon.

C' est kécfeye po ça eto ki Yopôl Godenne n' est nén rprins, ni dins l' Antolodjeye namurwesse des frés et Lucyin Maréchal, ni dins l' antolodjeye da Piron.

C' est purade pa Léon Pirsoul k' on-z a polou cnoxhe l' ovraedje da Léopold Godenne.

Sistinme d' ôrtografeye Godenne[candjî | candjî l’ côde wiki]

E sistinme d' ôrtografeye da Godenne, li scrijha OÈ riprezinte li son wè namurwès, ki respond pacô å betchfessî OE pacô nén (memwere).

Sourdant[candjî | candjî l’ côde wiki]

  1. Live Coppe p. 179.