Lucien Maréchal

Èn årtike di Wikipedia.
Potchî a: naiviaedje, cweri

Wiktionary-logo.svg

Li Wiccionaire si rsieve di sacwants fråzes da "Lucien Maréchal" po-z enimådjî des mots k' i gn a.

Lucyin Maréchal (riwalnijhåve Lucyin Marixhå) a skepyî a Sint-Serwai li 24 di djulete 1892 et mori e 1964. C' est onk des cwate askepieus des Relîs Namurwès, e 1909. Ci serè lu l' prumî penleu del soce. S' î va- t i dmorer disk' a ses vîs djoûs.

Ouve pol walon[candjî | candjî l' côde wiki]

Il aveut ddja studyî li motlî des monnîs (avou s' fré På) et scrire timpesse dins "La vie walonne", "Le Guetteur Wallon" eyet les Cayés Walons.

Si mwaisse ouve, todi assoçné a s' fré, ci serè l' Antolodjeye des powetes walons namurwès ki rexhe e 1930.

Il a eto ramexhné des tecses po ls efants : “Po nos scolîs” (1940) eyet “Po les ptits et les grands” (1959).

Po çou ki rwaite ses prôpes sicrijhaedjes e walon, gn a troes ramexhnêyes d' arimeas : “Djonneas”, “A l' ospitå” eyet “Tot al doûce” (1965)

Il a eto scrît on roman “Monsieu li rçuveu” (1952), la k' i mete bråmint des sovnis di s' mestî come rçuveu des contribucions.

Ås Relîs, il esteut po des scrijhaedjes walons simpes et comprindåves pa tertos. Eto, i serè ene miete e bisbrouye avou les djonnes fijheus d' arimeas foirt powetikes ki vont ariver ås Relîs dins les anêyes 1950, come Georges Smal, Jean Guillaume eyet Emile Gilliard.