Jean Lechanteur
Jean Lechanteur (riwalnijhåve Djihan Litchanteu u Djhan Ltchanteu), k' a skepyî diviè 1938, c' est on linwincieus k' a stî professeur a l' Univiersité d' Lidje, et k' a bråmint ovré so l' ALW.
Ouve pol walon
[candjî | candjî l’ côde wiki]Djihan L' Tchanteu a eto fwait ene fele tchôke: rimete e scrijhaedje Feller, et dins l' ôre alfabetike ki s' eshût, li motî Villers. Et dner les dierinnès tuzêyes etimolodjikes so les mots ki sont dvins (1999). Après çoula, i va ovrer sifwaitmint, avou Jean-Jacques Gaziaux so on papîscrît nén co eplaidî da Alphonse Massaux, et rexhe l' ovraedje e 2013.
On lyi doet eto des spepieus studias, avou des crås motlîs so les cawetes «-a»[1], «-iveus»[2], «-urlin»[3] eyet «-resse»[4]
Marie-Guy Boutier et Martine Willems ont bouté on moumint come assistantes da Djhan l' Tchanteu.
Sol tård, il a ene miete sicrît e walon, tot ratournant li live d' imådjes «Li vicåreye di Simon et Linåd» (4inme tradujhaedje e walon).
Pôzucion eneviè li rfondaedje do walon
[candjî | candjî l’ côde wiki]
Il est eto cnoxhou po s' pôzucion foirt wårdiveuse sol rifondaedje do walon.
I scrijha dins le rvuwe "Wallonnes" e 1996 on papî e francès, la k' i discåze, sins waire d' astoca, li rfondaedje ossu bén k' les noûmots.
Ci papî la a tchôkî evoye erî do rfondaedje del langue walone: les linwincieus des univs, les SLLW-îs et l' les responsåves do CLRE et do ministere del kiminålté Walonreye-Brussele, et çoula po ene boune hapêye (diski dins les anêyes 2020, todi).
Hårdêye difoûtrinne
[candjî | candjî l’ côde wiki](fr) Si pådje sol waibe di l' SLLW
Sourdants et pî-notes
[candjî | candjî l’ côde wiki]- ↑ Dialectes de Wallonie, 11 (1983), 5-40.
- ↑ minme live, T.14, 1986, pp. 57-67.
- ↑ minme live T 25-26 (1997-1998).
- ↑ Bulletin de la Commission royale de Toponymie et de dialectologie, 1999, pp. 139-234