Consey des Lingaedjes do Payis del Kiminålté Walonreye-Brussele

Èn årtike di Wikipedia.
(Redjiblé di CLRE)
Sauter à la navigation Sauter à la recherche
Les pretcheus a on raploû adjinçné på CLRE
Boket do papî d' priyaedje a èn etrevén CLRE po les djournêyes "Araedje di lére" 2009

Li Consey des Lingaedjes do Payis del kiminålté Walonreye-Brussele, e francès CLRE (Conseil des Langues Régionales Endogènes), c' esteut ene trope djins raloyîs å ministere del culteure del kiminålté Walonreye-Brussele ki parpinséve li politike linwistike eneviè l' walon et les ôtes lingaedjes diléreces del kiminålté.

Il a roté di 1990 a 2019, ey adon esse replaecî, pa on decret do 27 di måss di ciste anêye la, pa on «Conseil de la langue française, des langues régionales endogènes et des politiques linguistiques».[1]

Ovraedjes et fonccionmint[candjî | candjî l' côde wiki]

Li consey esteut eto responsåve des ôtes lingaedjes dilérins del sitindêye del Beldjike, la ki l' «kiminålté francesse» est mwaisse del culteure et di l' acsegnmint. Adon, li Consey s' ocupéve eto do picård, do gåmès, do lussimbordjwès, do ripouwaryin, do tchampnwès et do tîxhwès braibançon.

Li fonccionaire sicretaire end a stî lontins Jean-Luc Fauconnier; pu ç' fourit Nadine Vanwelkenhuyzen; al fén, Alix Dassargues.

Li CLRE a stî sovint critiké pask' i n' s' ocupéve ki di pårti les sacwants liårds di subzides inte les soces k' estént bén avou les responsåves. Et nén mete so pî ene vraiye politike linwistike eneviè l' walon.

Pol CLRE, les lingaedjes dilérins divént dmorer diyalectålijhîs. Li seule kimon lingaedje sol kiminålté Walonreye-Brussele diveut esse li francès. Li walon ni dveut nén vni e prumî, mins esse todi metou come on parey ås ôtes «langues régionales endogènes», minme s' i rprezinte 70 % del sitindowe do payis la kel CLRE esteut competin.

C' esteut l' CLRE k' adjinçnéve et rinde li «pris del Kiminålté Walonreye-Brussele».

Sourdant[candjî | candjî l' côde wiki]

  1. Jean-Luc Fauconnier, El Bourdon l° 715, moes d' avri 2019, p. 2-7.