Lès têres dau Bon Diè

Les teres då Bon Diè (roman)

2inme eplaidaedje (2024)

Lès têres dau Bon Diè (Les teres då Bon Diè), c' est on roman e walon sicrît pa André Henin.

Il a stî eplaidî e 1980 dins l' Pitite coleccion del SLLW.

E 2024, il fourit redité, avou on ratournaedje e francès vizon vizu, todi pal SLLW (ISBN 978-2-930505-41-1).

Tinme

C' est on curé k' a stî prof a Florefe.

I provént di Han-so-Lesse.

Il a dandjreus stî amoureus d' ene djonne feye.

I finit curé d' viyaedje a Lignire.

Adon, ci sereut co bén grandmint otobiyografike. Gn a djusse ki l' fén k' est diferinne, la k' i finixha doyén a Djiblou.

Esplikêyes do tite

I shût l' boket di l' evandjîle sint Luk ki dit:

Li ci k' apice l' eraire et waitî e-n erî, i n' convént nén po tcherwer les teres då Bon Diè

C' est ç' boket la ki sieve d' adrovaedje å live.

Li mwaisse tecse grek, ratourné e walon mot po mot, finit pa … «li rweyåme do Bon Diu» come dins l' ratournaedje da Jean-Marie Lecomte

Li ci ki met l' mwin a l' eraire, et ki rlouke padrî lu, n' est nén fwait po li Rweyåme do Bon Diu

Ên ôte evandjilî dit: «li rweyåme do cir».

Dedja vaici, on voet bén li finesse da André Henin come redjårbeu, k' inme ostant do mete ene imådje pus près do toledjoû des djins.

Avou ça ki s' filozofeye come esplikeu do messaedje di Djezu-Cri, c' est ki l' Paradis, ça cmince dedja sol tere.