Leyon Cranasse, tchampete pa amour (roman)

Foto do live

Leyon Cranasse, tchampete pa amour (Lèyon Cranasse, champète par amour), c' est on roman e walon da Félicien Barry.

I serè shuvou di "Sonk walon".

Li live fourit saetchî a 1200 egzimplaires (onk des pus grands tiraedjes po les lives e walon).

Plaeçmint dins li spåce et dins l' tins

C' est ene sipoûle ki court cronolodjicmint, dispu li skepiaedje da Leyon Cranasse, disk' å moumint k' il est lomé tchampete, après aveur fwait s' tins d' sôdård. Adon, nos dirans d' aviè 1915 a 1939. Li spoûle si finit djusse divant l' guere di 40; «Sonk walon», li shûte avou les min mes persounaedjes, si passe tins del guere di 40.

Come di djusse, l' evironmint, c' est on viyaedje do payis d' Tchålerwè. Motoit bén Reve.

Persounaedjes

Les pesounaedjes shuvèt li modele da Propp po l' adjinçmint d' on roman.

• Gn a l' ero, Leyon Cranasse, et les bons ki sont ses soçons.
• Gn a l' metchant, Constant do Tokeu.
• Gn a l' evoyeu : c' est l' pårén Clodimir, l' ancyin tchampete, k' a todi revé ki s' fiyoû el replaece.
• Gn a l' princesse : come di djusse, al fén, cwand nosse djinti tchampete årè fwait reclôre li metchant Tokeu, i s' mareyrè avou ene vayante comere, Lore.