Louis Lagauche

Èn årtike di Wikipedia.
(Redjiblé di Louwis Lagauche)
Sauter à la navigation Sauter à la recherche
Louis Lagauche
Louis Lagauche.jpg
Skepiaedje10 di nôvimbe 1877
Moirt1965
NåcionålitéBedje
Activitésscrijheu

Louis Lagauche a skepyî li 10 di nôvimbe 1877 ey a morou e 1965.

C' esteut on scrijheu e walon, di Lidje minme.

Riprins dins l' grosse antolodjeye da Piron.

Di s' mestî, i fourit årmurî, pu bibiotekî.

Louis Lagauche si siné

Ouve e walon[candjî | candjî l' côde wiki]

I screye dispu estant tot djonne (16 ans): ene tchanson: “Les Flaminds”. Docô, i dvént redjixheu d' ene dramatike, et-z askepyî, e 1897, ene soce di scrijheus: “Les djonnes oteurs walons”. I tchante å Cåbaret walon (1895-1900), pus a ds ôtes cåbarets disk' e 1925. Ses scrijhaedjes, c' est des sacwès po rire, et po vanter l' Walonreye. Insi, i riscrît tote l' istwere do payis d' Lidje, a môde del “Légende des siècles” da Victor Hugo, eplaideye dins l' ramexhnêye So m' tere, prumî live” (1921).

Il a l' boune aweure di rashonner ses scrijhaedjes, tchaeke côp k' end a assez po fé on live, et sins leyî ouve, céncwante ans å long. “Å hazår del pene” (ouves 1897-1907); “Amon nozôtes” (tchansons tchoezeyes 1908-1912); “Mayon” (powinme e nouf tchants, 1909); “Li ptit hierdî” (powinme e cénk tchants 1926); “So m' tere: les belès eures” (1928); “So les ailes del tchanson” (1932); “Tchantchès, istwere d' on Lidjwès” (1935); «Prindoz vosse bordon: tåvleas, contes et noveles e prôze» (1937); “L' inmant” (powinmes) (1947).[1]

Djivêye des scrijhaedjes[candjî | candjî l' côde wiki]

(avou l' mwaisse ortografeye)

Ramexhnêye d' arimés et d' tchansons[candjî | candjî l' côde wiki]

Pîces di teyåte[candjî | candjî l' côde wiki]

  • L' ouve d' ene afitche (L'oûve d'ine afiche), comedeye e-n èn ake
  • Cåze d' on comissionaire (Cåse d'on comichonaire), comedeye e-n èn ake
  • Les rabrouxhes d' on fiyåsse (Lès Rabrouhes d'on Fiyåsse), comedeye e troes ake
  • Cirano d' Bierdjirowe (Cyrano d' Bèrdjîrowe) pîce rimêye, 5 akes
  • Lårgosse et s' domestike (Lårgosse èt s' dômèstique), comedeye e-n èn ake
  • Monsieu l' pårlî (Moncheû l'Pårlî), comedeye e deus akes
  • Powete et bierdjresse (Poète èt Bèrdjîre), operete e-n èn ake, muzike da Joseph Duysenx
  • Li fén do monde (Li Fin dè Monde), comedeye e troes akes
  • Les amours da Werdjîfosse (Lès Amours da Werdjîfosse), operete e deus akes
  • Les bwejhlîs (Lès Bwèhlîs), drame e troes akes
  • Pol vî mwaisse (Pol vî maîsse), fêyreye, èn ake, muzike da R. Derouette.[3]

On boket da sinne[candjî | candjî l' côde wiki]

Miniauge.gifLoukîz a : Payis d' Heve#Dins les belès-letes e walon

Hårdêye difoûtrinne[candjî | candjî l' côde wiki]


Sourdants[candjî | candjî l' côde wiki]

  1. (fr) Grosse antolodjeye Piron, p. 376.
  2. Djivêye metowe al pådje 6 di «Prindoz vosse bordon»
  3. al pådje 6 di «Prindoz vosse bordon», come cial ådzeu.