Louwis d' emon l' Pitchou (roman)

Èn årtike di Wikipedia.
coviete

Louwis d' emon l' Pitchou (Louwis d'èmon l' Pitchou), c' est on roman e walon, sicrît pa Henri Matterne, k' a rexhou e 2012.

Il est sortitré "Istwere d' on djonne rezistant".

Li roman est eplaidî pa les Relîs namurwès.

Il a stî saetchî a 300 egzimplaires.

Persounaedjes[candjî | candjî l’ côde wiki]

Louwis d' emon l' Pitchou, c' est l' no do mwaisse persounaedje. C' est on djonne di 18 ans ki va esse "emacralé dins l' mouvmint (del Rezistance siconte les Almands el deujhinme guere daegnrece) po les beas ouys del feye då tchampete" (p. 7).

Cisse-ciale si lome Djuliye.

Les ôtes acteurs candjnut tofer.

Plaeçmint dins li spåce et dins l' tins[candjî | candjî l’ côde wiki]

Tins[candjî | candjî l’ côde wiki]

Gn a pont d' date pol kiminçmint do roman. Mins docô après li cmince, Louwis va esse evoyî al Werbestele, ci sereut don e 1942.

Dins les dierins tchaptrês, on-z anonce li disbarcumint d' Normandeye (6 di djun 1944), et on date li liberåcion d' Nameur, li 3 d' setimbe 1944. Li spoûle si finixh djusse après.

Espåce[candjî | candjî l’ côde wiki]

Li mwaisse persounaedje est d' Loyi. I va a Andwè po rescontrer l' prumî côp onk di l' Årmeye blantche. Pu po des missions a Foirzêye (Havsin), a Dåve, a Sint-Dnis, al fén a Djedene, po rdjonde li maki del Cinse Djacot.

Corwaitaedje[candjî | candjî l’ côde wiki]

Bastixhaedje do live[candjî | candjî l’ côde wiki]

Li live tchereye purade come ene cronike des faitindjes d' on rezistant ki come on roman a suspinse.

Pa deus côps, gn a des tecses di discrijhaedje d' etrevéns del rezistance, riprins d' ôtes documints :

walon[candjî | candjî l’ côde wiki]

Come todi, li walon da Hinri Matterne est å pere des pôces.

Hårdêye difoûtrinne[candjî | candjî l’ côde wiki]

On boket do roman :