Manse Wandelayik (tchåte)

Èn årtike di Wikipedia.

Wandelaicus mansus

Li Wandelaicus mansus, c' est ene grande cinse d' èn ome k' on loméve Wandelaïc et ki dveut viker do tins da Pepin l' Peuket.

Kinoxhance del manse[candjî | candjî l’ côde wiki]

On-z è cåze dins ene viye tchåte di l' Abeye di Ståvleu, k' a stî studeye la bén lontins pås benedictins Martène et Durand.

On cnoxhe ci tecse la gråce a l' Abé Roland, k' a scrît «Orchimont et ses fiefs» (Orcîmont et ses fîs).

Ci cinse la si trovéve e pagus d' Årdene k' on loméve Palatiolus (enute: Palijhoû), eter Bive et Nayômé (Aldamega).

Alberik, abé di Ståvleu, î rataetchive li cinse ki li Rwè Pepin lyi aveut dné, po les djins d' Graide è profiter; a tchedje por zels di fé dire des messes.

Li tchåte riprind bråmint des nos d' bwès et d' tchamps k' on rtrouve co enute, après 13 siekes. Ces teréns la (les Graideles, enute) ont stî lontins après, on sudjet d' margaye eter l' eglijhe di Graide et l' cene di Wåjhî.