Maxhaedje des accints

Èn årtike di Wikipedia.

Li maxhaedje des accints, c' est on clintcha di totes les langues ki divnèt cåzêyes pa des djins di sacwants viyaedjes avou des accints diferins, ki si rtrouvnut po bouter eshonne dins l' industreye ou dmorer dins des grandès veyes.

Maxhaedje des accints e walon[candjî | candjî l’ côde wiki]

E walon, li maxhaedje des accints a stî todi pus foirt e 20inme sieke. Il a a vey avou l' motlî (mots d' vocabulaire) mins eto avou l' croejhete. Po egzimpe : on walon-cåzant d' Transene, skepyî e 1953 (la ki l' cawete di codjowaedje des rwaitants di l' indicatif prezintrece est "-èt") ki boute a Bietris (li cawete est -ont mins c' est foirt coinrece) s' a metou eviè ls anêyes 2000 a eployî l' cawete -ant.

i mougnant, i v'nant (po i mougnèt, i v'nèt).

I s' a ddja passé, bén veyåvmint, pol moens a Lidje, a Nameur, a Tchålerwè ey al Lovire.

Li maxhaedje des accints, cwand il est accepté pa les mwaisses do walon d' ene metowe contrêye, va moenner a des noveas sistinmes di scrijhaedje lomés «rifondants walons».