Mildiou del vegne

dizo d' ene foye di vegne avou l' mildiou

Li mildiou del vegne, c' est on mildiou k' acsût les vegnes.

Sincieus no d' l' indje : (rascråwant tchampion) Plasmopara viticola.

Istwere del maladeye

Il a stî responsåve — avou des ôtes sacwès —, å cminçmint do 20inme sieke, del rwene des vignrons totavå l' Urope, aprume e l' France.

Senes del maladeye

So les foyes, on voet des ptits blancs ronds, ki s' agrandixhnut et divni ene plake. Li texhou del foye flouwixh å mitan.

• 
• 
• 

Les roejhéns sont-st atakés tot å cmince, al florixhåjhe. Et i n' crexhnut nén so tote li troke.

• 
• 
• 
• 

Médyince

On stritche do sulfate di keuve (CuSO4, «boleye di Bordo») dispu l' 19inme sieke, aprume po-z espaitchî l' rascråwe cwand il a fwait crou ou brouwiner. C' est on prodût accepté dins l' agricoûteure biyolodjike. Il est maxhî al dôze di 5 a 25 grames å lite d' aiwe. I fåt bén spritchoûler li dzeu et li dzo des foyes.

On rsulfate tchaeke côp k' il a ploû 20 milimetes.

Cwand l' vegne est ddja bén atakêye, on sieve asteure pus voltî des contrutchamosses tchimikes come li ciproconazole, mancozebe u l' mefenocsan.