Mizrete (bouye des aiwes)

Èn årtike di Wikipedia.

Po des linwincieusès racsegnes sol mot "mizrete", alez s' vey sol Wiccionaire

Pol discramiaedje des årtikes avou l' mot « mizrete », loukîz cial.
Des mizretes di vatche; les troes ådzeu ont stî wårdêyes dins do formol
mizrete d' ene både, ki poirtéve on moultea, rashide sol pureure

Li mizrete (on dit eto : li tchike, li sucete, li linwe, li savon, li cråxhe, li shû, li marinde), c' est come ene pitite misse ki flote dins l' bouye des aiwes des cavales, des bådes et des vatches. Elle muzeure 10 a 15 cm. Si coleur va do blanc å brun.

Ele est sovint metowe dilé l' boke do polin u do vea. Ele pout vni foû avou l' potche des clairès aiwes, u dmorer apou l' pureure.

C' est ene adjinçna sins celules, avou des cråxhes et des sés minerås.

On pinse ki c' est èn agloumiaedje di moitès brebådes des toeles del potche des clairès aiwes, ki des sés minrås si vnèt etrocler dsu.

Hårdêye difoûtrinne[candjî | candjî l’ côde wiki]