Philippe Aubry

Èn årtike di Wikipedia.
(Redjiblé di Motî da Aubry)

Philippe Aubry (u Jean-Philippe Aubry) a skepyî li 5 di måss 1740 et mori li 29 di måss 1829.

I fourit on rcwereu so tot çou ki s' rapoirtéve al dutcheye di Bouyon.

Il a scrît al mwin e 1792 "Observations sur le patois du duché de Bouillon", li prumî motî walon pol Basse Årdene. Cist ovraedje la a stî replaidî e 1878 divins li Revue des Langues Romanes, 2inme rîlêye, tome 6 , pp 64-69, dizo l' tite :"Dictionnaire du patois du Duché de Bouillon". Ci motî la est rprins sol limero [S101] dins l' Djivêye des motîs do walon.

Al fén, gn a eto sacwants codjowaedjes et des spots.

Vicåreye[candjî | candjî l’ côde wiki]

Di s' mestî, il esteut curé a Belvå-dlé-Bouyon. Dizo l' Ancyin Redjime, il esteut cler al Coû Sovrinne di Bouyon. Do tins des Francès, i fourit on curé djureu. Adon, i dvént mimbe del Soce d' Agricoûteure do dipårtumint des Årdenes.

Å Concordat, on saya del tchessî evoye del pårotche di Belvå, mins il î sepa wårder s' plaece.

I va studyî bråmint les idêyes des filozofes, ey eto l' agricoûteure, li forestreye eyet l' medcene. Il a stî onk des prumîs a mete les plokes ås efants. I scrijheut sovint a l' abé Grégoire.