Anatole Marchal

coviete do live “Å tins des nûtons”

Anatole Marchal (riwalnijhåve Natole Marixhå) a skepyî li 26 di decimbe 1901. Il a morou e 1966.

C' esteut on scrijheu d' prôze e walon, sikepyî a Durnale.

Anatole Marchal a stî relî po l' grosse antolodjeye Piron.

Scrijhaedjes

Il a purade sicrît des fåves do vî tins, ramexhnêyes dins deus lives: "Å tins des nûtons" (1937) eyet "Li dierinne shijhe" (1941).

Et pu co "Padrî l' muroe", totès rapoitroûles po fé sogne (motoit li prumî triler e walon), mins ki n' ont måy sitî eplaideyes.

Tant k' a "Durnale, mi bea viyaedje" (1941) eyet "Sondjreyes dins les schavêyes" (1951), c' est purade del prôze powetike u del powezeye sins pîtaedje.

Tinmes

Les sudjets da Anatole Marchal vinèt sovint des floricontes et des doûcès creyances del Walonreye, copurade do payis d' Dinant et d' l' Årdene. Et aprume ki s' pasnut sol Bok.

Corwaitaedje

Motlî

On foirt ritche motlî.

Stîle

On stîle foirt corant, come on raconte les fåves al shijhe.

Ortografeye

Li scrijheu ni shût nén todi l' sistinme Feller :

• «des», «les» sont scrîts sins accint (môde ki serè rprinjhe e sistinme Feller.
• wåde des halcrosses H come e francès : «hôle» («ôle»).
• wåde li peur prononçaedje des cossounes å coron «aupe» (åbe)

Hårdêye difoûtrinne

Pådje des scrijhaedjes då Natole Marchal.