Pårticipe

Èn årtike di Wikipedia.
Potchî a: naiviaedje, cweri

Li môde pårticipe, c' est on môde di codjowaedje d' on viebe ki lyi dene li cogne d' èn addjectif.

Gn a les pårticipes prezintreces et les pårticipes erireces.

Li pårticipe erirece sieve å fé des erî-tins.

Li pårticipe prezintrece sieve a fé des durants tins , eyet li môde djerondif.

On pårticipe n' a pont d' djin, dj' ô bén k' il est l' minme po totes les djins d' codjowaedje.

Djin Pårticipe
erirece
Djin Pårticipe
prezintrece
dj' a tuzé dji rote e tchantant
vos avoz
t' as
tuzé vos rotez e
ti rotes e
tchantant
il a tuzé i rote e tchantant
nos avans tuzé nos rotans e tchantant
vos avoz tuzé vos rotez e tchantant
il ont tuzé i rotèt e tchantant

E walon, les pårticipes n' ont pont d' djinre ni d' nombe.

L' ome a roté
Li comere a roté
L' ome a roté
Li comere a roté
Li canada ki dj' a magnî
Li poere ki dj' a magnî
Les canadas ki dj' a magnî
Les poeres ki dj' a magnî

Les pårticipes des viebes å coplemint et des viebes ås pronos divnèt voltî des addjectifs et des sustantifs, ey adon, apicî djinre et nombe.

Egzimpe : forsôlé, mesbrudjî

Hårdêye difoûtrinne[candjî]