Pitizeye ås vatches

Èn årtike di Wikipedia.
Sauter à la navigation Sauter à la recherche
gros clå froumadjrece e peumon

Li ptizêye ås vatches, c' est l' tuberculôze ki les vatches atrapnut.

Elle est å pus sovint cåzêye pa Mycobacterium tuberculosis bovis, ene bactereye prôpes ås bovrins. Mins padecô, ossu, pa Mycobacterium tuberculosis tuberculosis, li bacile del pitizeye des djins.

Li maladeye est ricnoxhowe come zonôze, dabôrd ki les djins el polèt ratraper, ki ç' soeye avou l' bacile bovrin ou, copuvite, si c' est l' ci des djins.

Senes del maladeye[candjî | candjî l' côde wiki]

Li prumî sene, did lon l' pus corant, c' est ene vatche ki tosse, dispu bele ådje (ça pout durer des anêyes), mins ki continowe a bén magnî.

Gn a eto des crexhioûles sintåves al plaece des glandes al linfe di dzo l' pea.

Pacô, li må si rtape sol pés, et dner ene mamite avou les cwårtîs ki divnèt deurs come do bwès.