Prononçaedje zero-cnoxheu

Li prononçaedje zero-cnoxheu ou mwaisse prononçaedje (pol walon) ou prononçaedje estandård (po les langues rifondous dispu lontins) d' on metou lingaedje, c' est l' manire di dire les mots ki des aprindeus ki n' kinoxhnut gote ci lingaedje la, divèt respecter cwand i sont scolés.

I pout esse foirt diferin do prononçaedje del langue dins sacwants coines di si spårdaedje (metans francès d' Marseye, do Kebek, do Senegal; inglès do Tecsasse…)

Prononçaedje zero-cnoxheu do walon

Prononçaedje zero-cnoxheu des betchfessîs scrijhas

Loukîz a : Li prononçaedje zero-cnoxheu do walon sol Wiccionaire

Kéke eredjistrumint di mots dits avou l' prononçaedje zero-cnoxheu

• betchfessî oe

• betchfessî ô

• betchfessî xh al fén d' on mot

• betchfessî oy al fén d' on mot

Prononçaedje d' on tecse etir tot sayant d' shuve li prononçaedje zero-cnoxheu

Li prononçaedje zero-cnoxheu ni s' va apliker a des tecses k' avou des efants k' ont stî scolés e rfondou walon. Mins les prumîs sfwaits cas, al fén des anêyes 2010, vont co prononcî sacwants mots come i ls ont apicî di leu mwaisses u leu aprindeu foû scole.

Loukîz a : Egzimpe di tecse prononçî tot près do PZC

Sistinme Feller

Dins l' sistinme Feller, li prononçaedje zero-cnoxheu est å pus sovint contnou dins li scrijha.

Gn a tolminme sacwants rujhes avou les radaptaedjes coinreces do sistinme Feller (end a yeu des pekêyes et des rapekêyes tot al dilongue do 20inme sieke).

Metans, li scrijha ô a stî eployî pa des oteurs k' i gn a po on son foirt naziålijhî, sicrît «ôⁿ» ou minme «on»/«om» pa des ôtes sicoles di scrijheus. Metans «côp», «côⁿp» et «comp» (Årdene Nonnrece, Coûtchant walon), c' est troes scrijhas Feller ki rprezintèt l' minme son. Li prumî a deus prononçaedjes zero-cnoxheu.

Li scrijha å do motî d' Vervî ni rprezinte nén li prononçaedje lidjwès do Motî Haust (/ɔː/), mins on long O classike (/oː/) k' esteut scrît «au» dins les vîs tecses d' après Vervî.

Des ôtes feyes, li prononçaedje zero-cnoxheu est cåzu impossibe a saveur, ca l' notåcion Feller (ricandjî) n' est nén rmetåve e l' AFE. Par egzimpe, li scrijha îⁿ d' après Nivele et L' Lovire.

bîⁿ, rîⁿ, nîⁿ, tchîⁿ

Prononçaedje zero-cnoxheu di ds ôtès langues

E l' inglès, ça s' lome "received pronunciation".

Loukîz a :

(en) Prononçaedje zero-coxheu d' l' inglès

(fr) Prononçaedje zero-coxheu d' l' inglès (racourti e francès)

Hårdêye difoûtrinne

Li prononçaedje zero-cnoxheu do walon sol Wiccionaire