Prumire lete sint På ås Corintîs

Èn årtike di Wikipedia.
Sauter à la navigation Sauter à la recherche
1Cor13-B.JPG

Li prumire lete sint På ås djins d' Corinte, c' est on boket do Noû Testamint.

C' est ene lete d' apoisse sicrîte pa sint På (k' esteut adon e l' Macedwene) et evoyeye ås noveas crustins d' Corinte.

Cotoû istorike[candjî | candjî l’ côde wiki]

Miniauge.gifLoukîz a : Deujhinme_lete_sint_På_ås_djins_d'_Corinte#Cotoû_istorike

Contnou[candjî | candjî l’ côde wiki]

Ele contént des instruccions kimint les comeres et les omes si doeynut moussî cwand i sont-st e l' eglijhe. Les cmeres divèt awè on noret d' tiesse:

Ene kimere ki dit ses priyires u des profeceyes a dfûle tiesse, ni fwait nén oneur a s' mwaisse (si ome); c' est come si ele n' åreut pont di tchveas. Paski si ene feme ni mete pont d' noret d' tiesse, ele n' a k' a côper ses tchveas. Adon, si c' est djinnant po ene kimere d' awè les tchveas côpés ou d' esse raezêye, ele n' a k' a s' rafûler les tchveas. (XI, 5-6).

Gn a eto totès ricmandåcions po n' nén magnî del tchå k' a stî ofreye ås idoles.[1]

Pou çou k' est del tchå ofreye ås idoles, nos savans bén k' end a pont dins l' monde, di diès; et k' i gn a k' on seu Bon Diu. Mins tertos nel savèt nén; oyi, end a sacwants, ki sont co ritnous pa l' abitude des idoles, ki magnèt des tchås ofreyes, et leu consyince est flåwe et mannete. (VIII, 4, 7).
Çou k' on sacrifeye, on l' fwait å Diåle, et nén å Bon Diu. Et dji n' vou nén ki vos soeyoxhe camaerådes avou l' Diåle. Vos n' ploz nén boere å calice do Signeur et å ci do Diåle; vos n' ploz nén esse al tåve då signeur et al cene do Diåle. (X, 20-21).

Houte di çoula, ele contént des ricmandåcion moråles, aprume so les mariaedjes.

C' est a comprinde paski les noveas creyants ni sont nén seulmint des djwifs kiviersîs, mins eto bråmint des Greks, k' ont todi viké, et ki vicnut co avou des ôtes pareys a zels, mins des cis ki n' sont nén divnous crustins; metans minme l' ome et l' feme d' on minme manaedje.

I va eto ricmander di fé l' påye inte creyants, k' ont sovint des bretes:

Paski, mes frés, dj' a-st etindou so vosse conte, pa les djins d' Clowé, ki vos n' vos etindoz nén eshonne. Dji vou dire ki tchaeconk di vos dit «Mi, dji so da På» «et mi, da Apolosse», «et mi, da Cepahasse» «et mi, då Criss» (I, 11-12).

Ratournaedje e walon[candjî | candjî l’ côde wiki]

Li lete a stî ratournêye e walon pa Maurice Debaty ey eplaideye pa Jean Hamblenne dins l' live «Troes letes sint På et deus sint Pire rimetowes e walon» (2020).

Hårdêyes difoûtrinnes[candjî | candjî l’ côde wiki]

so Wikisourd)

Sourdants[candjî | candjî l’ côde wiki]

Commons
I gn a so les cmons Wikipedia des imådjes ou fitchîs son a vey avou l' prumire lete ås djins d' Corinte .
  1. C' est l' dierin espaitchaedje po l' amagnî, decidé å Concile di Djeruzalem, dabôrd ki sacwants crustins ancyinnmint djwifs volént fé respecter ås crustins ancyinnmint payins totes les disfinses d' amagnî del rilidjon djwive.