Rîle des troes cossounes
Sauter à la navigation
Sauter à la recherche
Li rîle des troes cossounes, c' est ene rîle di fonolodjeye do walon ki vout ki troes cossounes (prononceyes) ni s' polnut nén shuve e walon.
Conditions d' aplicacion[candjî | candjî l’ côde wiki]
Come di djusse, les hacrossès cossounes å coron des mots ni sont nén acontêyes.
Li dj eyet li tch sont waiteyes come ene seule cossoune.
Li rîle des troes cossounes ni s' aplike nén todi avou les cossounes likides R et L.
Consecwinces[candjî | candjî l’ côde wiki]
Li rîle des troes cossounes esplike :
- li fonccionmint des spotchåvès voyales.
- li radjoutaedje d' ene divanceye voyale.
- les redjårbaedjes fonolodjikes dins li rwalonijhaedje des mots calkés di des ôtes lingaedjes : loukîz a : disploctaedje des trokes di cossounes å coron.
Egzimpes di trokes di troes cossounes avou ene likide[candjî | candjî l’ côde wiki]
Ci cossoune likide la est metowe e l' prumire ou 3inme plaece des troes.
- egzimpes di R metowe 3inme : scrinî, sprewe, språtchî, strin, stron
- egzimpes di L metou 3inme: sployon
- egzimpes di R metowe prumire : dj' end a yeu do rgret; il a stî rtraké (mins dins les deus cas, c' est co on R e l' 3inme plaece)
Spårdaedje dins les accints do walon[candjî | candjî l’ côde wiki]
Diyalectolodjicmint, li rîle des troes cossounes n' esteut nén foirt shuvowe dins l' Coûtchant walon e 20inme sieke.