Rîle des troes cossounes

Èn årtike di Wikipedia.

Li rîle des troes cossounes, c' est ene rîle di fonolodjeye do walon ki vout ki troes cossounes (prononceyes) ni s' polnut nén shuve e walon.

Condicions d' aplicåcion[candjî | candjî l’ côde wiki]

Come di djusse, les hacrossès cossounes å coron des mots ni sont nén acontêyes.

Li dj eyet li tch sont waiteyes come ene seule cossoune.

Li rîle des troes cossounes ni s' aplike nén todi avou les cossounes likides R et L, ni avou les dmeyès cossounes W et Y.

Consecwinces[candjî | candjî l’ côde wiki]

Li rîle des troes cossounes esplike :

Egzimpes di trokes di troes cossounes avou ene likide[candjî | candjî l’ côde wiki]

Ci cossoune likide la est metowe e l' prumire ou e l' 3inme plaece des troes.

  • egzimpes di R metowe 3inme, dins l' minme sillabe: scrinî, sprewe, språtchî, strin, stron
  • egzimpes di R metowe 3inme, dins deus sillabes: tchactresse, astrapåde
  • egzimpes di L metou 3inme, dins l' minme sillabe: scleyon
  • egzimpes di L metowe 3inme, dins deus sillabes: håspler
  • egzimpes di R metowe prumire : dj' end a yeu do rgret; il a stî rtraké (mins dins les deus cas, c' est co on R e l' 3inme plaece)

Spårdaedje dins les accints do walon[candjî | candjî l’ côde wiki]

Diyalectolodjicmint, li rîle des troes cossounes n' esteut nén foirt shuvowe dins l' Coûtchant walon e 20inme sieke.

Rujhes po les cminceus[candjî | candjî l’ côde wiki]

C' est ene des rîles les pus målåjheyes a-z apliker po les noûdjåzeus, et minme pacô les vî scrijheus, pask' i n' dijhèt nén leu tecse dins leu tiesse, tot l' sicrijhant. Vocial des egzimpes di cisse sôre di flotche la:

I gn aveut ene sacwè *d' sketé; => I gn aveut ene sacwè di sketé / … d' siketé / … d' esketé.
Ratournaire *d' noûmots => Ratournaire di noûmots.
Ele viként avou leu mame *dvins l' såvion d' on trô => Ele viként avou leu mame divins l' såvion d' on trô.

Hårdêye difoûtrinne[candjî | candjî l’ côde wiki]

Esplicaedje po les noû-cåzeus yet les rcåzeus