Rifondeus do walon

Èn årtike di Wikipedia.
(Redjiblé di Rfondeus do walon)

Les rfondeus do walon, c' est les djintis bouteus k' ont ovré å rfondaedje do walon, po-z ariver å scrijhaedje lomé rifondou walon.

C' est l' Jean Germain k' a l' prumî tuzé praticmint å rfondaedje do walon. Mins i n' a nén continouwé dins si idêye.

Les ôtes rifondeus ont werké soeye-t i dins li Tåvlotêye Rifondaedje del Rantoele, soeye-t i dins l' Comission Normalizåcion di l' UCW, u dins les deus.

Les deus vayants k' ont cmincî a arbeter fer so li rfondaedje fourît Tiri Dumont eyet Lorint Hendschel ki s' ont-st atôtchî pol prumî côp e moes d' avri 1992.

E moes d' djulete 1993, Lucyin Mahin si meta e rapoirt avou Lorint Hendschel. Les troes "Vîs Rfondeus" s' alént rescontrer pol prumî côp å raploû di Rdû so l' avni do walon e moes d' setimbe 1993.

E 1995, Stefane Quertinmont va copler l' troclete, pu e 1996, Djihan-Pire Hiernaux.

Inte 1996 et 1998, Djihan-Françwès Brackman serè on moumint e rapoirt avou les rfondeus, et-z atåvler sacwantès ahessåvès idêyes.

Dominique Heymans, Charles Josserand, Marcel Slangen eyet Pierre Otjacques ont bouté on moumint avou les rfondeus, mins sins bråmint etervini tecnicmint.

E 1998, Johan Viroux prezinta di s' costé èn ôte pordjet di rfondaedje, li "walon unifyî", foirt rashiou sol namurwès.

E 1999, Pablo Sarachaga s' a metou dins l' mouvmint avou l' tåvlotêye rifondaedje del Rantoele.

Les pus djonnes des rfondeus, c' est Georges Sfasie k' a cmincî a studyî li rfondaedje e 2004, eyet Jean Cayron k' a bouté so les ratournaedjes des programes éndjolikes, dispu 2010.