Jean-François Brackman
Jean-François Brackman, c' est on scrijheu e walon ki dmoréve a Djiblou. Il a skepyî dins les anêyes 1970.
Ouve pol walon
[candjî | candjî l’ côde wiki]Il a cnoxhou l' walon di s' mame k' esteut d' Fumwè eyet di ses soçons d' après Djiblou.
A scrît foirt djonne des belès ptitès noveles eplaidêyes dins «Les Cayés walons», et dins «Coutcouloudjoû»; ey eto, éndjolicmint, sol waibe «L' Aberteke».
C' est sovint del syince-ficcion ou des sbarants contes.
Il a eto siné on tchaptrê do live «Ké walon po dmwin ?», sol kinoxhance do walon après Fumwè (Walonreye di France).
Il a rashonné on foirt sipès motî, Mi diccionaire walon di Fumwè et d' ôte pårt, riprins dizo l' rahouca «G109» dins l' djivêye des motîs walons. Sacwants d' ces dnêyes la avént stî radjoutêye al båze di dnêyes di l' Årdene nonnrece (S117).
Come rifondeu, diviè 1998-1999, il a-st atåvlé sacwants idêyes, inte di zeles li cene do betchfessî sh. Il esteut rafiyant do disfaflotaedje.
Il a co scrît sol walon dins ene gazete di Djiblou å cmince des anêyes 2000, mins après ça, il a leyî ouve come waloneu.
Alére
[candjî | candjî l’ côde wiki]Yves Paquet, Resconte avou Jean-François Brackman, Li Chwès, octôbe 2002, pp 4-5 & 10.
Hårdêyes difoûtrinnes
[candjî | candjî l’ côde wiki]- Totès ptitès noveles da sinne (so l' Aberteke)
Li Wiccionaire si rsieve di sacwantès fråzes da Jean-François Brackman po-z enimådjî des mots k' i gn a.
