Les Scåssenes

"Les Scåssenes", k' on dit eto "les Escåssenes" (fr: Écaussinnes), c' est ene novele comene-intité del Walonreye, el province do Hinnot.

eplaeçmint del comene el province

• Dimorants: 9.810 (2002), lomés les Scåssinoes (so plaece: les Scaussinoûs)
• Limero del posse: 7190
• Arondixhmint: Sougniye
• Sitindêye: 34,96 km²
• Dinsité: 280,61 djins/km²
• Sipotaedje des djins : Les Grossès Bodenes.
• Ban des Scåssenes: Måtche-dilé-Scåssene, El Grand Scåssene, El Pitit Scåssene.

Tuzance walone

Tchanteus e walon

• Jean Baguet, k' a scrît l' tchanson "Les sinistrés".
• Julos Beaucarne, ki l' a tchanté dins sacwantès tchansons. Dins on sketch (e francès), i vout ki Adan et Eve soeyexhe di Scåssene. Il a scrît eto ci arimé cial po s' mame:

Vos, Claire Suzane Adolfene

Vos, nosse boune viye mere des Scåssenes

Vos, asteure, ki doime lon d' ciddé,

Èv rissovnoz des djoûs d' esté ?

Accint walon des Scåssenes

T-tchmijhe avou do walon des Scåssenes.

• Toitche-linwe
  • End a li diynut k' end ont et nd a ki diynut k' end ont nén; Mins end a dpus ki diynut k' end ont k' end a ki diynut k' end ont nén. So plaece: i dd a ki dittënt k' i dd ont, et i dd a ki dittënt k' i dd ont nî; mins i dd a pus ki dittënt k' i dd ont k' i dd a ki dittënt k' i dd ont nî. (on cåze di liårds, come di djusse: end a des cis ki djhèt: mi, dj' end a, savoz; end a ds ôtes ki djhèt k' end ont pont; mins gn a dpus del prumire sôre ki del deujhinme).
  • Dirîz bén dijh côps "li toû do cou do cok do clotchî" (so plaece: èl tour dè cu dè cok dè clokî) sins babyî ?
  • Dirîz bén dijh côps "å galop, galopea, el diåle vos årè pa vos dijh årteas" ?

(ramexhnés pa Djulos Beaucarne).